“उर्वशी रौतेला कोण?” रिलेशनशिपच्या चर्चा अन् पाकिस्तानी क्रिकेटपटूचं सडेतोड उत्तर, अभिनेत्रीने घेतला ‘हा’ निर्णय

आणखी वाचा – लग्न, घटस्फोट, दोनवेळा गर्भपात, कर्करोग अन्…; सुप्रसिद्ध अभिनेत्री महिमा चौधरीचा खासगी आयुष्याबाबत खुलासा

उर्वशी रौतेलाला ओळखत नसल्याचं नसीमने स्पष्टपणे सांगितलं. त्यानंतर मात्र उर्वशीला बहुदा राग अनावर झाला. म्हणूनच तिने एक निर्णय घेतला आहे. उर्वशीने नसीमला इन्स्टाग्रामवर अनफॉलो केलं आहे. पण काही रिपोर्टनुसार, उर्वशीने नव्हे तर नसीमनेच तिला इन्स्टाग्रामवर अनफॉलो केलं असल्याची चर्चा आहे.

उर्वशी-नसीमचं नातं आता पुन्हा एकदा इन्स्टाग्राम अनफॉलोमुळे चर्चेत आलं आहे. काही दिवसांपूर्वी उर्वशी रौतेलाने एक व्हिडीओ शेअर केला होता. या व्हिडीओनंतर तिचे नाव नसीम शाहसोबत जोडले जात आहे. ४ सप्टेंबर रोजी ती भारत विरुद्ध पाकिस्तान हा सामना पाहायला गेली होती. याच सामन्यातील व्हिडीओ तिने इन्साटाग्रामवर पोस्ट केला होता. या व्हिडीओमध्ये नसीम शाह हसताना दिसत आहेत. तर दुसरीकडे उर्वशीदेखील स्टेडियममध्ये बसून हसत आहे. एका फॅन पेजने बनवलेला व्हिडीओ उर्वशीने इन्स्टाग्रामवर स्टोरी म्हणून पोस्ट केला होता.

आणखी वाचा – …अन् ‘महाराष्ट्राची हास्यजत्रा’मधील ‘तो’ व्हायरल व्हिडीओ पाहून जॉनी लिवर यांनी नम्रता संभेरावला केला फोन, अभिनेत्री म्हणते…

त्यानंतर नसीम शाहला उर्वशी रौतेलाबद्दल प्रश्न विचारण्यात आला. यावर बोलताना “उर्वशी रौतेला कोण आहे, हे मला माहिती नाही. ती कोणते व्हिडीओ शेअर करते याबाबत मला काहीही माहिती. सध्या माझे लक्ष फक्त क्रिकेटवर आहे. मला चांगले क्रिकेट खेळायचे आहे,” असे नसीम शाह म्हणाला होता.