उर्वशी रौतेलाने दिल्या करवाचौथच्या शुभेच्छा, नेटकऱ्यांना झाली पंतची आठवण; म्हणाले “ऋषभसाठी…”

हेही वाचा – ऋषभ पंतसाठी भर रस्त्यात भांडल्या उर्वशी आणि ईशा नेगी? पाहा Viral Video

ऋषभची माफी मागितल्यानंतर मागच्या काही दिवसांपासून उर्वशीच्या पोस्ट लक्ष वेधून घेत आहेत. भारतीय संघ ऑस्ट्रेलिया दौऱ्यावर असतानाच उर्वशीने ती तिच्या मनाचं ऐकून ऑस्ट्रेलियात पोहोचल्याची पोस्ट केली होती. त्यानंतर तिने साडीतले फोटो शेअर करत शायरीचे कॅप्शन टाकले होते. त्यानंतर उर्वशीने तिच्या इन्स्टाग्राम अकाऊंटवरून साडी नेसलेला एक फोटो शेअर केला होता. त्यात ती गळ्यात मंगळसूत्र आणि कुंकू लावून दिसत होती. या फोटोला तिने “प्रेम में पड़ी प्रेमिका को, सिन्दूर से प्रिय कुछ नहीं होता !! सारी रस्म रिवाज़ के साथ चाहिए, उम्रभर का साथ पिया तुमसे”, असं कॅप्शन दिलं होतं. गेले काही दिवस ती सातत्याने असे फोटो शेअर करत आहे आणि नेटकरी तिला ऋषभ पंतची आठवण आल्याचं म्हणत ट्रोल करत आहेत. अशातच तिने करवाचौथच्या शुभेच्छा दिल्या आहेत.

हेही वाचा – कुंकू, मंगळसूत्र घातलेला फोटो पोस्ट करत उर्वशी रौतेलाने पुन्हा वेधलं लक्ष, चाहते म्हणाले “वर्ल्ड कप झाल्यानंतर…”

उर्वशीने शेअर केलेल्या फोटोमध्ये ती पांढऱ्या रंगाचं टॉप आणि लाल रंगाचं शॉर्ट स्कर्ट घालून दिसत आहे. “चंद्राचा प्रकाश तुमचं जीवन आनंद, शांतीने भरू देत. करवा चौथच्या शुभेच्छा..!!” असं कॅप्शन तिने दिलंय.

यावरून नेटकऱ्यांना पुन्हा एकदा ऋषभची आठवण झाली. ‘ही पोस्ट ऋषभ पंतसाठी आहे का’, असं एका युजरने म्हटलंय. ‘तू ऋषभसाठी व्रत करणारेस का’ असं एका नेटकऱ्यांने विचारलं. तर दुसऱ्या एका युजरने ‘तू आज शायरी का नाही टाकलीस’, अशी विचारणा केलीय. काहींनी तिला गप्प बसण्याचा आणि ऋषभला क्रिकेटवर लक्ष केंद्रित करू देण्याचा सल्ला दिलाय.