पाहा : ‘बदलापूर’मध्ये वरुणचा पॉवरपॅक परफॉर्मन्स

‘बदलापूर’चे ट्रेलर युट्युबवर प्रसिद्ध झाले असून, दिग्दर्शक श्रीराम राघवनने वरुण धवनला सूडाने पेटलेल्या तरुणाच्या अवतारात समोर आणले आहे. या ट्रेलरची उत्सुकतेने वाट पाहाणाऱ्यांना नक्कीच तो आवडेल असे दिसते. ‘बदलापूर’ चित्रपटाच्या १.४० मिनिटांच्या या ट्रेलरमध्ये थरारक सूडनाट्याची अनुभूती येते. वरुणच्या व्यक्तिमत्वात होत जाणारा बदलदेखील अनुभवता येतो. चित्रपटातील अन्य कलाकार यामी गौतम, नवाझउद्दीन सिद्दीकी, हुमा कुरेशी, विनय पाठक आणि दिव्या दत्ता यांचेदेखील दर्शन होते.