‘जन्म’, ‘कुटुंब’, ‘तुकाराम’ अशा चित्रपटातून लक्षवेधी भूमिका साकारणा-या वीणा जामकरचे लक्ष सध्या आपले चित्रपट पूर्ण होणे आणि प्रदर्शित होणे याकडे लागले आहे.
‘सरपंच भगीरथ’ या चित्रपटाच्या निमित्ताने तिची भेट झाली असता ती सांगत होती, या चित्रपटासह एकूण सहा चित्रपटासाठी मी काम करते आहे. त्यात ‘दृष्टीदान’ वगैरे चित्रपटांचा समावेश आहे. पण कोणता चित्रपट नेमका कधी प्रदर्शित होईल हे मात्र सांगता येत नाही. माझ्या भूमिकांत तुम्हाला विविधता आढळेल आणि ती साकारण्याचा मी चांगला अनुभव घेतला हे अवर्जून सांगेन. पण एकूणच मराठी चित्रपटांच्या वाढत्या निर्मितीचा काही चित्रपटांची पूर्वप्रसिध्दी आणि प्रदर्शन यात अडथळा मात्र येवू नये असे वाटत असल्याचे वीणा जामकर प्रांजळपणे म्हणाली.