महाराष्ट्र भूषण पुरस्कार जाहीर झाल्यानंतर अशोक सराफ यांची पहिली प्रतिक्रिया; म्हणाले…

नुकतंच खुद्द अशोक सराफ यांनी या पुरस्कार जाहीर झाल्यानंतर यावर प्रतिक्रिया दिली आहे. ‘टीव्ही ९ मराठी’शी संवाद साधताना अशोक सराफ म्हणाले, “माझ्या मनात अत्यंत संमिश्र भावना आहेत. हा पुरस्कार मिळणं ही अत्यंत मानाची आणि आनंदाची गोष्ट आहे. आजवर ज्या थोर लोकांना हा पुरस्कार मिळाला आहे आज मला त्यांच्या बरोबरीने नेऊन बसवलं आहे ही माझ्यासाठी फार मोठी गोष्ट आहे. ‘महाराष्ट्र भूषण’ हा महाराष्ट्राचा नंबर वन पुरस्कार आहे असं मी समजतो. गेली ५० वर्षं मी चित्रपट, नाटक, मालिका करतोय त्यातली मेहनत कुठेतरी सत्कारणी लागली अन् प्रेक्षकांनीही त्याला दाद दिली त्याचा मला प्रचंड आनंद आहे.”

आणखी वाचा

बाजाराचा तंत्र-कल : शेअर बाजाराला बाळसं की सूज?

Sushma Andhare : “माझी प्रिय भावजय” म्हणत सुषमा…

लोहगावात साडेपाच हजार पोलिसांच्या घराचे स्वप्न लवकरच साकार

रामदास आठवले भाजपला सांभाळणार की रिपब्लिकन कार्यकर्त्यांना?

धंगेकर-रासने लढतीच्या दुसऱ्या फेरीत कोणाची बाजी?

रविवार प्रचारवार; घरोघरी भेटी, गृहनिर्माण संकुलांना भेटी, चौक सभा यांना जोर

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

आणखी वाचा : “मुझे गांधीसे नहीं, अहिंसासे…” रणदीप हुड्डाने जाहीर केली बहुचर्चित ‘स्वातंत्र्यवीर सावरकर’ चित्रपटाच्या प्रदर्शनाची तारीख

पुढे अशोक सराफ म्हणाले, “आता यापुढेही आणखी वेगळं आणि नवं काम करायचा हुरूप आला आहे. त्यामुळे अधिकाधिक उत्तम काम करत राहीन कारण आज मी जो काही आहे तो तुम्हा प्रेक्षकांमुळे आहे अन् तुम्ही आहात म्हणून मी आहे. यासाठी मला काम करत रहावंच लागणार.” याबरोबरच त्यांनी आपल्या पत्नीला म्हणजेच निवेदिता सराफ यांना झालेला आनंद याबद्दलही भाष्य केलं, शिवाय मराठी चित्रपटसृष्टीतील आपले मित्र व उत्कृष्ट दिवंगत अभिनेता लक्ष्मीकांत बेर्डे यांचीही अशोक सराफ यांनी आठवण काढली.

मुख्यमंत्री एकनाथ शिंदे यांनी त्यांच्या एक्स हँडलवरुन ही माहिती दिली आहे. अशोक सराफ यांनी विनोदी, गंभीर आणि खलनायकी भूमिकाही साकारल्या आहेत. तसंच आपल्या अभिनयातून रसिकांच्या मनावर राज्य गाजवलं आहे. अशोक सराफ हे एक लोकप्रिय अभिनेते आहेत. मराठी आणि हिंदी चित्रपटसृष्टीमध्ये त्यांनी त्यांची कारकीर्द गाजवली आहे. लक्ष्मीकांत बेर्डे आणि अशोक सराफ यांची जोडी खूप गाजली होती. आत्तापर्यंत अशोक सराफ यांनी ३०० हून अधिक चित्रपटांमध्ये अभिनय केला आहे.