ऑस्कर विजेता ए.आर.रहमानने अभिनेता सैफ अली खानच्या होम प्रोडक्शन असलेल्या ‘लेकर हम हवाना दिल’ या चित्रपटास संगीत दिले आहे. या चित्रपटातून राज कपूर यांचा नातू अरमान बॉलीवूडमध्ये पदार्पण करत असून, यात दाक्षिणात्य सुंदरी दीक्षा त्याच्या प्रेयसीच्या भूमिकेत दिसेल.
दिग्दर्शक अरीफ अली, निर्माता दीनू आणि गीतकार अमिताभ भट्टाचार्य यांच्यासोबत काम करून मला खूप आनंद झाला. आशा करतो की प्रेक्षकांना खलिफा हे गाणे आवडेल आणि ते आमच्या प्रयत्नांचे समर्थन करतील, असे रहमान म्हणाला. नुकतेच प्रदर्शित झालेले खलिफा हे गाणे केवळ एका रात्री लिहून आणि कम्पोज करण्यात आले आहे.
इरॉस इन्टरनॅशनल आणि इल्युमिन्टी फिल्म्सची निर्मिती असलेल्या ‘लेकर हम दिवाना दिल’ चित्रपटाचे दिग्दर्शन अरीफ अलीने केले आहे. अरीफ हा दिग्दर्शक इम्तियाज अलीचा लहान भाऊ आहे. हा चित्रपट ४ जुलैला प्रदर्शित होणार आहे.