#WeWantSacredGames2 : ‘सेक्रेड गेम्स’च्या दुसऱ्या सिझनसाठी नेटकरी आतूर

अनुराग कश्यप आणि विक्रमादित्य मोटवाने यांची वेब सीरिज ‘सेक्रेड गेम्स’ने सध्या धुमाकूळ घातला आहे. नवाजुद्दीन सिद्दीकी, सैफ अली खान, जितेंद्र जोशी आणि राधिका आपटे यांच्या मुख्य भूमिका असलेल्या या वेब सीरिजने प्रेक्षकांची मनं जिंकली आहेत. एकीकडे आक्षेपार्ह संवाद आणि दृश्यांमुळे चर्चेत आलेली ही वेब सीरिज वादाच्या भोवऱ्यात सापडली आहे. तर दुसरीकडे सोशल मीडियावर त्याच्या दुसऱ्या सिझनची जोरदार मागणी नेटकऱ्यांकडून होत आहे. #WeWantSacredGames2 हा हॅशटॅग ट्रेण्ड होत असून या वेब सीरिजचा दुसरा भाग लवकरात लवकर यावा अशी मागणी नेटकरी करत आहेत.