‘तुला पाहते रे’ मालिकेनंतर काय असेल गायत्रीचा प्लान?

‘कामासाठी मी सगळे पर्याय खुले ठेवले आहेत. मालिकेत काम केल्याचा अनुभव आल्याने मला पुढेही मालिकेत काम करायला आवडेल. चित्रपटातही भूमिका साकारायला आवडेल. एका चित्रपटात मी काम केलं आहे. त्यानंतर वेब सीरिज हे असं माध्यम आहे ज्यात मी अजून काम केलं नाही. तरुणाई ही वेब सीरिजशी जास्त जोडली गेली आहे असं मला वाटतं. मला वेब सीरिजमध्ये काम करण्याची ऑफर मिळाली तर मी नक्कीच करेन. नाटकातही काम करण्याची इच्छा आहे. कारण रंगमंचावर अभिनय करण्याचा जो थरार असतो, तो मला अनुभवायचा आहे. त्यामुळे जी संधी मला मिळेल ती मी स्वीकारेन,’ असं तिने सांगितलं. याचसोबत फक्त मुख्य भूमिकाच करेन अशी कोणतीही अट नसल्याचं ती सांगते. एखादी भूमिका खूप चांगली असेल पण ते जर फक्त चित्रपटात दहा मिनिटांसाठी असेल तरीही मी करेन, असं ती पुढे म्हणाली.

See more

पहिल्या प्रेमासारखीच ही मालिका खास असल्याचं गायत्री म्हणते. १४ वर्षांपूर्वी तिने सुबोध भावेसोबत काम करण्याचं स्वप्न पाहिलं होतं आणि या पहिल्याच प्रोजेक्टमधून ते पूर्ण झालं. त्यामुळे या मालिकेशी निगडीत बऱ्याच आठवणी मनात कायम राहतील, अशी भावना तिने व्यक्त केली.