‘त्याने मला फसवले’, लिएंडरसोबतच्या अफेअरच्या चर्चांवर महिमाने केला होता खुलासा

ऐकेकाळी माहिमा आणि लिएंडर पेस यांच्या अफेअरच्या चर्चा रंगल्या होत्या. पण २०१६मध्ये ‘डार्क चॉकलेट’ चित्रपटाच्या वेळी त्यांच्या नात्यात दुरावा निर्माण झाल्याचे म्हटले जाते. एका मुलाखतीमध्ये महिमाने लिएंडर पेसने फसवल्याचा खुलासा केला होता. ‘लिएंडर एक चांगला टेनिसपटू असेल पण त्याने मला फसवले. माझ्यासोबत योग्य निर्णय घेतला नाही’ असे महिमा म्हणाली. महिमानंतर लिएंडर रिया पिल्लईला डेट करत असल्याच्या चर्चा रंगल्या होत्या.

आणखी वाचा : किम शर्मा- लिएंडर पेस यांच्या रिलेशनवर एक्स बॉयफ्रेंड हर्षवर्धन राणेची प्रतिक्रिया, म्हणाला…

‘माझ्यासाठी हे धक्कादायक नव्हते. जेव्हा मला कळाले की लिएंडर दुसऱ्या एका अभिनेत्रीसोबत फिरत आहे तेव्हा मी त्याला म्हटले की तुझ्या जाण्याने माझ्या आयुष्यावर परिणाम होणार नाही. मला असे वाटते की त्याने रियासोबतही असेच केले’ असे महिमा म्हणाली.

महिमाने २००६मध्ये आर्किटेक्ट बॉबी मुखर्जीशी लग्न केले होते. त्यानंतर तिने एका मुलीला जन्म दिला. तिच्या मुलीचे नाव अरियाना असे आहे. पण बॉबी आणि महिमामध्ये वाद होऊ लागल्यामुळे त्यांनी घटस्फोट घेण्याचा निर्णय घेतला. २०१३मध्ये ते दोघे विभक्त झाले.

सध्या लिएंडर पेस अभिनेत्री किम शर्माला डेट करत आहे. त्यांचे एकत्र गोव्यात फिरतानाचे फोटो सोशल मीडियावर व्हायरल झाले आहेत. पण दोघांनी अद्याप त्यांच्या रिलेशनशीपवर वक्तव्य केलेल नाही.