दिग्गज अभिनेते रजनीकांत यांचे जगभरात असंख्य चाहते आहेत. त्यांच्या चित्रपटांची चाहत्यांमध्ये खूप उत्सुकता असते. त्यांनी आतापर्यंत आघाडीच्या अनेक अभिनेत्रींबरोबर काम केलं आहे. पण, एका चित्रपटाचं शुटिंग करताना रजनीकांत यांच्यावर श्रीदेवी थुंकल्या होत्या. खरं तर रजनीकांत व श्रीदेवी चांगले मित्र होते, त्यांनी अनेक सिनेमे एकत्र केले होते. पण जेव्हा श्रीदेवी रजनीकांत यांच्यावर थुंकल्या होत्या, तो सीन पाहून सगळे हैराण झाले होते.
“मी सिगारेट ओढत होतो अन्…”, सुबोध भावेने मंजिरीला रक्ताने लिहिलेलं पत्र; खुलासा करत म्हणाला…
‘१६ वयथिनिले’ या तमिळ चित्रपटात श्रीदेवी, कमल हासन आणि रजनीकांत मुख्य भूमिकेत होते. १९७७ मध्ये आलेल्या या चित्रपटात रजनीकांत खलनायकाच्या भूमिकेत होते आणि त्यांच्या पात्राचे नाव परत्तई होते. या चित्रपटात एक सीन होता, ज्यामध्ये श्रीदेवींना रजनीकांत यांच्यावर थुंकावं लागलं होतं, पण रजनीकांत हे श्रीदेवीपेक्षा वयाने खूप मोठे असल्याने आणि ते मोठे स्टार देखील असल्याने त्या हा सीन करायला खूप कचरत होत्या.
कोणी साकारलेली छत्रपती शिवाजी महाराजांची भूमिका आवडली? सुबोध भावे म्हणाला…
हा सीन करण्यासाठी श्रीदेवींनी अनेक टेक घेतले होते. त्यांना हा सीन करताना अस्वस्थ वाटत होतं. त्यामुळे रजनीकांत यांनी श्रीदेवींना समजावून सांगितले आणि मग श्रीदेवींनी तो सीन केला होता. श्रीदेवींना रजनीकांतवर अशा प्रकारे थुंकताना पाहून तिथे उपस्थित असलेले सगळेच चकित झाले होते. ‘प्राइड ऑफ तमिळ सिनेमा’ नावाच्या पुस्तकातही या घटनेचा उल्लेख आहे. हा चित्रपट खूप यशस्वी ठरला होता. यानंतर श्रीदेवी आणि रजनीकांत यांनी अनेक चित्रपट एकत्र केले होते.
