‘सेक्रेड गेम्स’च्या चित्रीकरणादरम्यान गरोदर होती ही अभिनेत्री

सुरवीनने नुकताच दिलेल्या मुलाखतीमध्ये हा किस्सा सांगितला आहे. ‘सेक्रेड गेम्सच्या पहिल्या सिझनच्या वेळी मी गरोदर असल्यामुळे मला जोजोची भूमिका निभावणे थोडे कठीण झाले होते. मी लवकर थकून जायचे. माझ्यासाठी जोजोची भूमिका आव्हानात्मक होती. पण मी हिम्मत न हारता ती साकारली. मी या भूमिकेसाठी प्रचंड मेहनत घेतली. कधी कधी तर मला सेटवरुन पळून जायची इच्छा व्हायची’ असे सुरवीनने मुलाखतीमध्ये सांगितले आहे.

See more

‘सेक्रेड गेम्स २’चे दिग्दर्शन अनुराग कश्यप व नीरज घायवान यांनी केले आहे. येत्या १५ ऑगस्ट रोजी ही सीरिज ‘नेटफ्लिक्स’वर प्रदर्शित होणार आहे. पहिल्या सिझनमध्ये न मिळालेल्या बऱ्याच प्रश्नांची उत्तरे प्रेक्षकांना या सिझनमध्ये मिळण्याची शक्यता आहे. त्यामुळे प्रेक्षक या सीरिजची आतुरतेने वाट पाहत आहेत.