Rhea Singha is Miss Universe India 2024 :अवघ्या १८ वर्षांची भारतीय सौंदर्यवती रिया सिंघा मिस युनिव्हर्स इंडिया 2024 ठरली आहे. ती आता जागतिक स्तरावर मिस युनिव्हर्स 2024 या स्पर्धेत भारताचे प्रतिनिधित्व करणार आहे. देशभरातून ५० हून अधिक तरुणींनी या स्पर्धेत भाग घेतला होता. सर्वांना मागे टाकत ती यंदाची मिस युनिव्हर्स इंडिया ठरली.
मिस युनिव्हर्स इंडिया 2024 चा ग्रँड फिनाले मोठ्या उत्साहात पार पडला. ही स्पर्धा रियाने जिंकली. मिस युनिव्हर्स २०१५ उर्वशी रौतेलाने रिया सिंघाला मिस युनिव्हर्स इंडिया 2024 चा मुकुट घातला. प्रांजल प्रिया या स्पर्धेची पहिली रनर-अप ठरली, तर छवी दुसरी रनर अप राहिली. सुष्मिता रॉय तिसरी आणि रुओफुझानो व्हिसो ही चौथी रनर-अप राहिली.
रिया सिंघा आपल्या मिस युनिव्हर्स इंडिया स्पर्धा जिंकल्यावर खूप आनंदी आहे. एएनआयशी बोलताना रिया म्हणाली, “आज मी मिस युनिव्हर्स इंडिया 2024 ही स्पर्धा जिंकली आहे. मी सर्वांची खूप आभारी आहे. मी इथे पोहोचण्यासाठी मी खूप मेहनत घेतली आहे. माझ्या या प्रवासात मला या स्पर्धेच्या आधीच्या विजेत्यांकडून खूप प्रेरणा मिळाली.”
पाहा व्हिडीओ –
निखिल आनंद, अभिनेत्री आणि माजी ब्युटी क्वीन उर्वशी रौतेला, गुयेन क्विन, फॅशन फोटोग्राफर रियान फर्नांडिस आणि उद्योगपती राजीव श्रीवास्तव हे या स्पर्धेचे परीक्षक होते.
कोण आहे रिया सिंघा?
Who is Rhea Singha: १८ वर्षांची रिया मूळची अहमदाबाद, गुजरातची आहे. आता ती मेक्सिकोमध्ये होणाऱ्या मिस युनिव्हर्स 2024 मध्ये भारताचे प्रतिनिधित्व करणार आहे. रिया एक अभिनेत्री आहे. तिने परफॉर्मिंग आर्ट्समध्ये डिग्री पूर्ण केली आहे. तसेच ती फॅशन डिझायनर देखील आहे. तिचे इन्स्टाग्रामवर ३९ हजार फॉलोअर्स आहेत.
