भन्साळींसाठी एकत्र येणार प्रियांका- सलमान?

एका कार्यक्रमात प्रियांकानं भन्साळींशी चित्रपटासंदर्भात बोलणं चालू असल्याचं मान्य केलं. प्रियांका आणि सलमान खान या दोघांमधला छुपा वाद बॉलिवूडला माहिती आहे. ‘भारत’ चित्रपटाचं चित्रीकरण सुरू व्हायला अवघे १० दिवस बाकी असताना प्रियांकानं नकार कळवला होता. तिनं ऐनवेळी दिलेल्या नकारामुळे सलमान कमालीचा नाराज होता. प्रियांका आणि सलमान दोघंही १० वर्षांनंतर एकत्र काम करणार होते. मात्र ऐनवेळी काढता पाय घेतल्यानं सलमानची नाराजी तिनं ओढवून घेतली होती. तिच्या अव्यवहारिक वागण्याबद्दल सलमाननं एका कार्यक्रमात उघडपणे आपली नाराजी बोलूनही दाखवली होती.

तर दुसरीकडे प्रियांकासोबत कधीही काम न करण्याचा निर्णय सलमाननं घेतला असल्याच्या चर्चाही गेल्यावर्षीपर्यंत होत्या. आता या दोघांमधला वाद मिटवून त्यांना एकत्र आणण्यास भन्साळी यशस्वी होतात का हे पाहण्यासारखं ठरणार आहे.