#MeToo : बॉलिवूडच्या ‘या’ दिग्गज ११ महिलांनी उचललं महत्वाचं पाऊल

#MeToo प्रकरणामध्ये बॉलिवूडमधील अनेक दिग्गज कलाकारांची नावं समोर आली असून त्यांच्यावर लैंगिक शोषण, गैरवर्तनासोबतच मानसिक छळाचेदेखील आरोप करण्यात आले आहेत. त्यामुळेच अशा व्यक्तींसोबत काम न करण्याचा निर्णय बॉलिवूडमधील ११ दिग्गज महिलांनी घेतला आहे. अभिनेत्री कोंकणा सेन शर्माने तिच्या ट्विटर खात्यावरुन याविषयी माहिती दिली आहे.

हा महत्वाचा निर्णय घेणाऱ्या ११ महिलांमध्ये अलंकृता श्रीवास्तव, किरण राव, एकता कपूर, कोंकणा सेन शर्मा, नंदिता दास, नित्या मेहरा, गौरी शिंदे, रिमा कागती, सोनाली बोस, झोया अख्तर, रूची नारायण यांसह बॉलिवूडमधील अन्य काही महिलांचा समावेश आहे.

Let’s make it a better world. #MeTooIndia pic.twitter.com/9AUXZrdQgA

— Alankrita Shrivastava (@alankrita601) October 14, 2018

‘आम्ही एक महिला आहोत. त्यामुळे एखाद्या महिलेवर अन्याय झाला तर तिच्या वेदना, दु:ख आम्ही समजू शकतो. त्यामुळेच एक महिला आणि दिग्दर्शक या नात्याने आम्ही #MeToo ला पाठिंबा देत आहोत. अन्यायाला वाचा फोडणाऱ्या या महिलांसोबत आम्ही कायम खंबीरपणे उभे आहोत’, असं अलंकृता श्रीवास्तवने पोस्ट शेअर करत म्हटलं आहे.

If the system worked for women we would not need a #meToo All those saying that complaints must be routed through the system are missing the point entirely. The system has always protected the aggressor and perpetuated a culture of silence and victim shaming.

— Alankrita Shrivastava (@alankrita601) October 7, 2018

दरम्यान,  #MeToo अंतर्गंत आरोप करण्यात आलेले कलाकार दोषी असतील तर आता त्यांना या महिलांच्या चित्रपटांमध्ये झळकता येणार नसल्याचं एकंदरीत दिसून येत आहे.  #MeToo अंतर्गंत आतापर्यंत विकास बहल, साजिद खान, लव रंजन, आलोक नाथ, सुभाष कपूर, रजत कपूर, सुभाष घई, कैलाश खेर या अभिनेत्यांवर आरोप करण्यात आले आहेत.