“मी सलमान खानच्या पाठीवरील माकड होऊ शकत नाही…”; झरीन खान संतापली

वीर चित्रपट फ्लॉप झाल्यानतंरही सलमान खान हा नेहमी झरीनला मदत करतो, अशी चर्चा कायमच सिनेसृष्टीत रंगत असते. नुकतंच या सर्व चर्चांवर झरीन खानने स्पष्ट शब्दात उत्तर दिले. झरीन खानने नुकतंच हिंदुस्तान टाईम्स या वेबसाईटला मुलाखत दिली. या मुलाखतीत तिने तिच्या वैयक्तिक आयुष्यासोबतच तिच्या फिल्मी करिअरबद्दलही खुलासा केला आहे.

आणखी वाचा

“कुठे थांबायचं याचा विसर…”, भावना दुखावल्याने कपिल शर्माच्या शोमुळे सलमान खानला कायदेशीर नोटीस? अभिनेत्याने दिलं स्पष्टीकरण

१८ नोव्हेंबर पंचांग: संकष्टी चतुर्थी १२ पैकी कोणत्या…

ऐश्वर्या रायने अभिषेक बच्चनशी लग्न केल्यानंतर सलमान खान म्हणालेला, “माझ्या आयुष्याचा एक…”

“मी तिच्या अंगावर पडलो अन् नीलमने…”, अभिनेत्याने सांगितला ‘हम साथ साथ है’च्या शूटिंगचा किस्सा; म्हणाला, “त्यानंतर सलमानने…”

“घरातून बाहेर काढलं, वर्षभर गोदामात राहिलो…”; बॉलीवूड अभिनेत्याने सांगितल्या कठीण काळातील आठवणी

‘इश्क’च्या शूटिंगवेळी चिपांझीने केलेला हल्ला; ‘वाचवा, वाचवा’ म्हणत आमिर खान ओरडला अन् अजय देवगणने धावत्या कारमधून…

“जर तुम्ही सलमान खानला चॅलेंज दिले तर तुमचे करिअर…”, ‘बिग बॉस १८’फेम व्हायरल भाभीचे वक्तव्य चर्चेत; म्हणाली, “पण मी असा इतिहास…”

“सुशांत सिंह राजपूतची हत्याच केली”, सलमान खानच्या एक्स गर्लफ्रेंडने केला दावा; म्हणाली, “एम्सच्या डॉक्टरांनी…”

या मुलाखतीत झरीन खान म्हणाली की, “चित्रपटसृष्टीतील माझ्या जागेवर मी नेहमीच खूप समाधानी आहे. यामुळे मी कधीही कोणत्याही शर्यतीचा भाग बनली नाही. पण आता मात्र मी खूप बदलली आहे. कारण तुम्ही ए-लिस्टर असल्याशिवाय लोक तुमची वाट पाहत नाहीत, हे मला समजलं आहे.”

यानंतर मुलाखतीत तिला सलमान खानबद्दल विचारण्यात आले. त्यावर ती म्हणाली की, “अजूनही अनेकांच्या मनात असा समज आहे की सलमान खान मला मदत करत आहे. पण मी सलमान खानचे आभार मानते कारण जर तो नसता तर मी कधीही सिनेसृष्टीत प्रवेश केला नसता. सलमान खानने मला सिनेसृष्टीत येण्याची संधी दिली. पण जेव्हा मी सिनेसृष्टीचा भाग बनले, तेव्हा खऱ्या अर्थाने माझा संघर्ष सुरु झाला. त्यावेळी मला काहीही माहिती नव्हते.”

“सलमान खान हा एक अद्भुत व्यक्ती आहे. पण तो फार व्यस्त असतो. त्यामुळे प्रत्येक छोट्या गोष्टीसाठी मी सलमान आणि त्याच्या भावांच्या पाठीवरील माकड होऊ शकत नाही. आजपर्यंत अनेकांना असे वाटते की मी जे काही काम करते ते सलमान खानच्या माध्यमातून करते, पण हे खरे नाही. सलमान हा मित्र आहे. तो माझ्यापासून फक्त एक फोन कॉल दूर आहे. पण म्हणून मी त्याला त्रास देत नाही. यामुळे माझा संघर्ष, मेहनत ही कमकुवत होत जाते,” असेही झरीन खान म्हणाली.

Lata Mangeshkar Health Update : लतादीदींच्या प्रकृतीत सुधारणा, डॉक्टरांच्या परवानगीनंतर डिस्चार्ज मिळणार

“विशेष म्हणजे माझा असा विश्वास आहे की अनेक लोकांनी माझा बेधडक स्वभाव अहंकारी म्हणून घेतला आहे. माझे वडील आम्हाला लहान असताना सोडून गेले. त्यामुळे माझ्या कुटुंबाची आर्थिक काळजी घेण्याची जबाबदारी मी घेतली. मला मदत किंवा मार्गदर्शन करणारे कोणीही नव्हते. मी फार घाबरली होती आणि अनेकांनी ते अहंकारी म्हणून घेतले. अनेकदा मी सिनेसृष्टीत हरवून गेली आहे, असेही मला वाटले. मला चांगलं काम करायचं होते, पण मला अभिनय कौशल्य दाखवायची परवानगी नव्हती,” असेही ती म्हणाली.