मराठीत बोलण्याची मागणी केल्याने मुंबईतल्या सराफाने दुकानाबाहेर ढकललं, लेखिकेचा रस्त्यावर ठिय्या

शोभा देशपांडे या गुरुवारी दुपारी कुलाबा परिसरातील महावीर ज्वेलर्स या ठिकाणी गेल्या होत्या. दुकानातील व्यक्ती त्यांच्याशी हिंदीतून बोलत होते. त्यांनी मराठीतून बोलावं अशी विनंती शोभा देशपांडे यांनी केली. मात्र त्यांनी मराठीत बोलण्यात नकार तर दिलाच शिवाय दागिने देण्यासही नकार दिला. तसंच पोलिसांच्या मदतीने दुकानाबाहेर ढकलून दिलं असा आरोप शोभा देशपांडे यांनी केला आहे.

आणखी वाचा

ध्रुव दातार पाठोपाठ आणखी एका अभिनेत्रीने सोडली ‘लक्ष्मीच्या पाऊलांनी’ मालिका! तिच्याऐवजी मालिकेत कोण झळकणार?

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

“जे हक्काचे…”, तेजश्री प्रधान ‘प्रेमाची गोष्ट’ मालिका सोडल्यावर काय करतेय? म्हणाली, “आताच्या घडीला…”

Narendra Chapalgaonkar: ज्येष्ठ साहित्यिक, माजी न्यायमूर्ती नरेंद्र चपळगावकर यांचे निधन

तळटीपा : ये कैसी सरहदें…

ही तर करदात्यांच्या पैशांची उधळपट्टी! माजी साहित्य संमेलनाध्यक्ष आणि साहित्यिकांची भूमिका

‘महाराष्ट्राची हास्यजत्रा’ फेम नम्रता संभेराव-संजय नार्वेकर यांचा ‘हा’ फोटो कोणत्या चित्रपटातील आहे? ओळखा पाहू

“मराठी अ‍ॅक्सेंटविषयी, मराठी भाषेविषयी खूप गैरसमज…”, अभिनेत्री शुभांगी गोखले म्हणाल्या, “चुकीचा पंजाबी, बिहारी लोकांचा….”

ज्वेलर्स दुकानदाराने आपल्यासह मराठी भाषेचाही अपमान केला आहे. त्यामुळे ज्वेलर्स दुकानदारावर जोवर कारवाई होत नाही तोवर रस्त्यावरच ठिय्या आंदोलन करणार आहे. सराफ आणि पोलीस या दोघांवरही कारवाई झाली पाहिजे अशी मागणी शोभा देशपांडे यांनी केली आहे. शोभा देशपांडे यांनी थरारक सत्य इतिहास आणि इंग्रजी इंडिया हाच आपला खरा शत्रू या दोन पुस्तकांचं संकलन केलं आहे. त्या एक वृत्तपत्रही चालवत होत्या. त्यांचे पती भारतीय नौदलात होते. शोभा देशपांडे या गेल्या अनेक वर्षांपासून मराठी भाषेसाठी लढा देत आहेत. महाराष्ट्राची राजधानी असलेल्या असेल्या मुंबई शहरात मराठी भाषेचा अपमान होत असल्याने त्यांनी तीव्र नाराजी व्यक्त केली आहे.

पोलिसांनी मला कोणत्या अधिकाराने हात लावला? महिला पोलीसही मराठी होत्या त्यांनी मला ढकललं त्याचं मला वाईट वाटलंच शिवाय त्या दोघीही मुद्दामहून दुकानदाराशी हिंदीतून बोलत होत्या. मनसेचे पदाधिकारी संदीप देशपांडे यांनीही त्यांची भेट घेतली. मागील २० तासांपासून शोभा देशपांडे यांचं आंदोलन सुरुच आहे.

शोभा देशपांडे यांना पोलिसांनी दिलेली वागणूक गैर आहे. तसंच ज्या महिला पोलिसांनी शोभा देशपांडे यांना ढकललं त्यांना चुकीची वागणूक दिली त्यांची चौकशी झाली पाहिजे. पोलिसांचं वर्तणूक अत्यंत चुकीची आहे असं मनसेचे नेते संदीप देशपांडे यांनी म्हटलं आहे.