जाणून घ्या कोण आहेत भाजपाचे नवनिर्वाचित खासदार राजेंद्र गावित

काँग्रेसमधून आलेले राजेंद्र गावित हे मुळचे नंदूरबारचे आहेत. ते काँग्रेस-राष्ट्रवादी काँग्रेस आघाडी सरकारमध्ये आदिवासी विकास मंत्री होते. यापूर्वीही ते पालघर मतदारसंघातून एकदा निवडणूक जिंकले आहेत. परंतु, २०१४ मध्ये लोकसभा आणि २०१६ मध्ये विधानसभा निवडणुकीत त्यांचा पराभव झाला आहे.

आणखी वाचा

Prithviraj Chavan : “अर्थसंकल्पाने आमची घोर निराशा केली”, पृथ्वीराज चव्हाण यांची अर्थसंकल्पावरून टीका

Economic Survey: आर्थिक सर्वेक्षण अहवाल सांगतोय २०२५ हे…

आगामी पालिका निवडणुकीच्या तोंडावर पक्षफुटीचे सत्र सुरू, माजी उपमहापौर रमाकांत म्हात्रे यांची काँग्रेसला सोडचिट्ठी

Ajit Pawar : बदलापूर अत्याचार प्रकरणातील आरोपीबद्दल जितेंद्र आव्हाडांच्या विधानावर अजित पवारांची प्रतिक्रिया; म्हणाले, “पोलिसांच्या तपासात…”

Ajit Pawar : राज्याला तिसरा उपमुख्यमंत्री मिळणार? संजय राऊतांच्या दाव्यावर अजित पवारांचं चार शब्दांत उत्तर; म्हणाले…

Shiv Sena : महाराष्ट्राला लवकरच तिसरा उपमुख्यमंत्री मिळणार, ठाकरे गटाच्या दाव्याने राज्याचे राजकारण तापणार

“भाजप नेत्यांची गद्दारांना जागा दाखवायला सुरवात”, उद्योगमंत्री उदय सामंतांवर माजी खासदार विनायक राऊत यांची सडकून टीका

Uday Samant : “ठाकरे गटाचे ४ आमदार, ३ खासदार अन् काँग्रेसचे ५ आमदार…”, शिंदे गटाच्या नेत्याचा मोठा दावा; म्हणाले, “उद्या पहिला ट्रेलर…”

निवडणुकीच्या अवघ्या काही दिवस आधी गावित यांनी मुख्यमंत्री देवेंद्र फडणवीस आणि प्रदेशाध्यक्ष रावसाहेब दानवे यांच्या उपस्थितीत भाजपात सहभागी झाले. काँग्रेसकडून सातत्याने होत असलेल्या अपमानाला कंटाळून आपण पक्ष सोडल्याचे गावित यांनी वारंवार सांगितले आहे. पक्षासाठी योगदान देऊनही ही वागणूक दिल्याने आपण भाजपात आल्याचे त्यांनी म्हटले.

दरम्यान, राजेंद्र गावित यांनी निवडणूक आयोगाकडे सादर केलेल्या प्रतिज्ञापत्रात आपली संपत्ती ८ कोटी ७७ लाख ५० हजार ३७९ रुपये इतकी दाखवली होती. गावित यांनी २०१६ला काँग्रेसमधून आमदारकीची पोटनिवडणूक लढविताना सादर केलेल्या प्रतिज्ञापत्रात त्यांची संपत्ती ६ कोटी ५३ लाख ३५ हजार ४९३ रुपये इतकी होती. गेल्या दोन वर्षांत गावित यांची संपत्ती २ कोटी २४ लाख १४ हजार ८८६ रुपयांनी वाढली आहे. गावित हे २०१४ला आमदार असताना त्यांची संपत्ती ५ कोटी ३७ लाख २३ हजार १११ रुपये होती. मात्र २०१६ला त्यांनी भरलेल्या पोटनिवडणुकीच्या अर्जात त्यांची संपत्ती ६ कोटी ५३ लाख ३५ हजार ४९३ इतकी झाली म्हणजेच या दोन वर्षांच्या फरकात त्यांच्या संपत्तीत १ कोटी १६ लाख १२ हजार ३८२ रुपयांची वाढ झाली.