मुंबई : पश्चिम रेल्वेवर १४ तासांचा ब्लॉक; लोकल, मेल- एक्सप्रेसच्या वेळापत्रकात बदल

जोगेश्वरी ते गोरेगाव दरम्यानच्या पुल क्रमांक ४६ च्या पुनर्गर्भीकरणाच्या कामासाठी अप आणि डाऊन दोन्ही मार्गावर; तसेच अप आणि डाऊन हार्बर मार्गावर १४ तासांचा ब्लॉक घेण्यात येणार आहे. या ब्लॉकमुळे अंधेरी आणि गोरेगाव स्थानकांदरम्यान अप-डाऊन धीम्या मार्गावरील सर्व अप-डाऊन लोकल जलद मार्गावर वळवण्यात येणार आहेत. तसेच जलद मार्गावरील लोकलला फलाट उपलब्ध नसल्यामुळे लोकल राम मंदिर स्थानकावर थांबणार नाहीत. ब्लॉक कालावधी मध्य रेल्वेद्वारे चालवल्या जाणाऱ्या हार्बर मार्गावरील सर्व लोकल फक्त वांद्रे स्थानकापर्यंत धावणार आहेत. चर्चगेट – बोरिवलीच्या काही धीम्या लोकल अंधेरीपर्यंत धावणार असून तेथूनच चर्चगेटकरिता चालविण्यात येणार आहेत.

आणखी वाचा

कर्नाक पूल जूनमध्ये सुरु होणार; पुलाच्या कामाची अतिरिक्त आयुक्तांनी केली पाहणी

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

ठाण्यात शुक्रवारी पाणी नाही; काही भागात दोन दिवस टप्प्याटप्प्याने होणार पाणीपुरवठा

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

नवीन रेल्वे स्थानकाच्या कामाला वेग, उच्च दाब वीज वाहिनीच्या पर्यायावर महिनाभरात तोडगा काढण्याचे आयुक्तांचे आदेश

ठाणे रेल्वे स्थानकात प्रवाशांचा गोंधळ; अचानक मुंबई दिशेकडे जाणारी लोकल लावल्याने प्रवाशांमध्ये संभ्रम

रेल्वेचे वेळापत्रक पुन्हा विस्कळीत; गोंदियातील प्रवाशांमध्ये नाराजी

दुसर्‍या टप्प्यात पाॅड टॅक्सीची शीव रेल्वे स्थानकापर्यंत धाव, १६ स्थानकांचा समावेश

हेही वाचा >>>शरद पवारांना आलेल्या जीवे मारण्याच्या धमकीवर मुख्यमंत्री एकनाथ शिंदेंची पहिली प्रतिक्रिया, म्हणाले…

या लोकल फेऱ्या रद्द

ब्लॉक कालावधीत हार्बर मार्गावरील दुपारी १.५२ सीएसएमटी – गोरेगाव लोकल, सकाळी १०.३७ ची पनवेल – गोरेगाव लोकल, दुपारी १२.५३ ची गोरेगाव- सीएसएमटी लोकल, दुपारी १२.१४ ची गोरेगाव – पनवेल लोकल रद्द करण्यात येणार आहे. चर्चगेट-बोरिवली लोकल चर्चगेटवरून सुटणारी दुपारी १२.१६ आणि दुपारी २.५० वाजताची चर्चगेट-बोरिवली लोकल विरारपर्यंत धावेल. बोरिवलीवरून दुपारी १.१४ आणि दुपारी ३. ४० वाजता सुटणारी बोरिवली-चर्चगेट लोकल रद्द करण्यात येणार आहे. त्याऐवजी विरार ते चर्चगेट दुपारी १.४५ आणि दुपारी ४.१५ वाजता दोन अतिरिक्त जलद लोकल धावतील. तसेच ब्लॉकदरम्यान अप- डाऊन मार्गावरील मेल- एक्सप्रेस गाड्या १० ते १५ मिनिटे विलंबाने धावतील.