१४७६ कोटींच्या अमली पदार्थ प्रकरणाचे धागेदोरे दक्षिण आफ्रिकेपर्यंत ; केरळमधील आयातदार कंपनीच्या व्यवस्थापकीय संचालकाला अटक

डीआरआयने ३० सप्टेंबरला मेथॅम्फेटामाइनबाबतची आतापर्यंतची सर्वात मोठी कारवाई करून १४७६ कोटी रुपयांचे अमली पदार्थ जप्त केले होते. एक संशयित ट्रक डीआरआयच्या अधिकाऱ्यांनी वाशी येथे अडवला. कसून तपासणी केल्यावर संत्री असलेल्या ३२० हिरव्या आणि लाल रंगाच्या खोक्यामध्ये अमली पदार्थ लपवले असल्याचे आढळले. त्यानंतर ते जप्त करण्यात आले होते.

आणखी वाचा

छत्रपती संभाजीनगरमध्ये नळजोडणीची १२१ कोटींची थकबाकी

Economic Survey: आर्थिक सर्वेक्षण अहवाल सांगतोय २०२५ हे…

पुणे : दाखल घेण्यासाठी चारशे रुपयांची लाच, सेतू कार्यालयातील महिलांना पकडले

नागपूर : सुट्या पैशांवरून बाचाबाची; एसटी बसच्या वाहकाला मारहाण…

तयार मालाच्या निर्यातीवर भर; कच्च्या मालाचे मूल्यवर्धन करण्याचे पंतप्रधानांचे आवाहन

२२० कोटींच्या फसवणूक प्रकरणी ईडीकडून ७९ कोटींची मालमत्तेवर टाच

संत्री उत्पादकांसाठी १६५ कोटींचे अनुदान, राज्यशासनाची मंजुरी

Success Story: १ कोटींचा पगार नाकारून सुरू केली स्वत:ची कंपनी; आज आहे ४००० कोटींची मालकीण! कोण आहे उद्योजिका?

दक्षिण आफ्रिका, ब्राझील, तुर्की आणि इतर देशांतून फळे आयात करणाऱ्या केरळस्थित युम्मिट्टो इंटरनॅशनल फूड्स इंडिया प्रायव्हेट लिमिटेड या कंपनीने संबंधित संत्री आयात केली होती. कंपनीचे व्यवस्थापकीय संचालक विगिन वर्गीस यांना दोन दिवसांच्या चौकशीनंतर रविवारी रात्री अटक करण्यात आली. त्याच्या चौकशीमुळे डीआरआयला मूळचा केरळातील रहिवासी असलेला मन्सूर थचापरंबन याचा याप्रकरणी सहभाग आढळला. मन्सूर हा सध्या दक्षिण आफ्रिकेतील जोहान्सबर्ग येथे असून तो मोर फ्रेश एक्सपोर्ट्स प्रायव्हेट नावाच्या कंपनीचा मालक आहे. करोनाकाळात मुखपट्टीची आयात करून असताना वर्गीस हा मन्सूरच्या संपर्कात आला. करोनाकाळात मन्सूरने कमी किमतीत संत्री पाठवल्यामुळे वर्गीसला व्यवसायात चांगला नफा झाला. वर्गीसला ७० टक्के, तर मन्सूरला ३० टक्के नफा मिळायचा. त्यानंतर मन्सूरने वर्गीसला दूरध्वनी करून संत्र्यांची मोठी खेप येणार असल्याचे सांगितले. ते राहुल नावाच्या व्यक्तीला देण्यात सांगण्यात आले होते. या संपूर्ण प्रकरणामागे आंतरराष्ट्रीय तस्कर टोळीचा सहभाग असल्याचा डीआरआयला संशय आहे.

विमानतळावरून कोकेन जप्त

मुंबई सीमा शुल्क विभागाच्या हवाई गुप्तचर कक्षाच्या (एआययू) अधिकाऱ्यांनी सुमारे ९८० ग्रॅम कोकेनच्या तस्करीप्रकरणी परदेशी महिलेला अटक केली. जप्त करण्यात आलेल्या कोकेनची किंमत १० कोटी रुपये आहे. म्वान्जे फरिदा (३९) असे अटक करण्यात आलेल्या महिलेचे नाव आहे. सीमाशुल्क विभागाच्या सूत्रांनी दिलेल्या माहितीनुसार छत्रपती शिवाजी महाराज आंतरराष्ट्रीय विमानतळावर २ ऑक्टोबरला फरिदाला संशयाच्या आधारे ताब्यात घेण्यात आले. तिच्याकडून पांढऱ्या रंगाच्या भुकटी सापडली. ते कोकेन असल्याचे तपासणीत निष्पन्न झाले. वजन केले असता त्यात ९८० ग्रॅम कोकेन असल्याचे आढळून आले. तिला ताब्यात घेण्यात आले आणि त्यानंतर कोकेन जप्त करण्यात आले.