मुंबई: आंतरराष्ट्रीय कंपनीची १६ कोटी रुपयांची फसवणूक; कर्मचाऱ्याविरोधात गुन्हा दाखल

गेल्या सहा वर्षांपासून आरोपी अभिषेक महाडिक इंटरएशिया शिपिंग लाइन्स इंडिया प्रायव्हेट लिमिटेडमध्ये वरिष्ठ पर्यवेक्षक म्हणून नोकरीला आहे. या कंपनीचे मुख्य कार्यालय तैवानमध्ये आहे. या प्रकरणी तक्रार करणारे अल्बर्ट नारहोना (५९) कंपनीचे आर्थिक सल्लागार असून ते कंपनीतील आर्थिक व्यवहारांशी संबंधित कामकाज पाहतात. नारहोना १० ऑगस्ट रोजी कंपनीच्या एका बँक खात्यातील नोंदी पाहत होते. त्यावेळी त्यांना १४ जुलै रोजी झालेला ८० लाख रुपयांचा व्यवहार संशयास्पद आढळून आला. त्यांनी या व्यवहाराबाबत अधिक माहिती घेतली असता ही रक्कम महाडिक याच्या पगाराच्या खात्यात जमा झाल्याचे उघड झाले. त्याचा सखोल शोध घेतल्यानंतर त्यांचा महाडिकवर संशय बळावला. त्यानंतर नरहोना यांनी कंपनीच्या बँक खात्यांतील मागील सहा महिन्यांच्या नोंदी तपासल्या. त्यावेळी १२ मे ते ९ ऑगस्ट दरम्यान महाडिक यांनी १७ कोटी ४५ लाख रुपयांचा गैरव्यवहार केल्याचे निष्पन्न झाले.

आणखी वाचा

शिक्षण संस्थेच्या नावाखाली औद्योगिक भूखंडावर डोळा, मंत्री अब्दुल सत्तार यांच्या खेळीस अधिकाऱ्यांच्या सजगतेमुळे चाप

Nana Patole : निकालाआधी राजकीय घडामोडींना वेग; यातच…

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मालेगावातील कोटींच्या उड्डाणांची ईडी चौकशी

मुंबई : गस्तीवर असलेल्या पोलीस अधिकाऱ्यावर हल्ला

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

मालवण शिवपुतळा दुर्घटना प्रकरण: जयदीप आपटे, चेतन पाटीलच्या जामीन याचिकेवर उच्च न्यायालयातच सुनावणी

हेही वाचा >>>मुंबई : भायखळा येथे चाकूने गळ्यावर वार करून मजुराची हत्या

तपासणीत आरोपीने पीडीए ॲडव्हान्स, रिफंड व इंटेरेसिया या नावाने बनावट वाऊचर बनवले आणि त्यासोबत त्यांनी बनावट ई-मेल, टॅली व्हाउचर आणि परताव्यासाठी आवश्यक असलेली इतर कागदपत्रे बनवली. त्या माध्यमातून आरोपीने या रकमेचा गैरव्यवहार केल्याचे निष्पन्न झाले. आरोपीने एक कोटी एक लाख रुपये परत केले. उर्वरित रक्कम परत करण्यात अपयशी ठरल्यामुळे कंपनीने याप्रकरणी पोलिसांकडे तक्रार केली. सहार पोलिसांनी भारतीय दंड संहितेच्या कलम ४२०, ४०९, ४६५, ४६७, ४६८ आणि ४७१ नुसार गुन्हा दाखल केला आहे. फसवणुकीची रक्कम १० कोटी रुपयांपेक्षा अधिक असल्यामुळे याप्रकरणी आर्थिक गुन्हे शाखा तपास करीत आहे.