मुंबई : करोनाबाधित रुग्णांच्या वाढत्या संख्येमुळे सोमवारी राज्यातील सर्व रुग्णालयांतील सुविधांचा आढावा घेण्यात आला. मुंबईतील सेंट जॉर्जेस रुग्णालयामध्ये सध्या करोनाबाधित रुग्णांसाठी ५० खाटा राखीव असून, रुग्णसंख्येत मोठ्या प्रमाणात वाढ होण्याची शक्यता लक्षात घेऊन या रुग्णालयातील आरक्षित खाटांची संख्या २५० पर्यंत वाढविण्याचा निर्णय घेण्यात आला आहे.
करोनाबाधित रुग्णांची वाढती संख्या लक्षात घेता सध्या सेंट जॉर्जेस रुग्णालयामध्ये ५० खाटा राखीव ठेवण्यात आल्या आहेत. यामध्ये ४० खाटा सामान्य असून, १० खाटा अतिदक्षता विभागामध्ये राखीव आहेत. सध्या रुग्णालयामध्ये फक्त पाचच करोनाचे रुग्ण दाखल आहेत. यामध्येही एकाही रुग्णाची प्रकृती गंभीर नाही. मात्र सध्या करोनाबाधित रुग्णांची वाढती संख्या लक्षात घेता रुग्णालय प्रशासन सतर्क झाले आहे. रुग्णसंख्या मोठ्या प्रमाणात वाढल्यास रुग्णांना योग्य उपचार मिळावेत यासाठी रुग्णालयामध्ये २५० खाटा राखीव ठेवण्याचे नियोजन करण्यात आले आहे. या खाटाही कमी पडल्यास संपूर्ण रुग्णालय करोनासाठी राखीव ठेवण्यात येईल, अशी माहिती जे. जे. रुग्णालयाच्या अधिष्ठाता डॉ. पल्लवी सापळे यांनी दिली. करोनाचा सामना करण्यासाठी सेंट जॉर्जेस रुग्णालय सज्ज असून राखीव खाटांचे नियोजन करण्यात आले आहे. आवश्यकता पडल्यास खाटा वाढविण्याची तयारी आहे. सध्या आवश्यक औषधसाठाही पुरेशा प्रमाणात उपलब्ध असल्याची माहिती सेंट जॉर्जेस रुग्णालयाचे वैद्यकीय अधिक्षक डॉ. विनायक सावर्डेकर यांनी दिली.
सेंट जॉर्जेससोबत जीटी रुग्णालयही सज्ज
सेंट जॉर्जेसमध्ये खाटांचे योग्य प्रकारे नियोजन करण्यात आले आहे. मात्र करोनाबाधित रुग्णांची संख्या वाढल्यास राज्य सरकारच्या सूचनांनुसार जी.टी. रुग्णालयामध्ये करोना रुग्णांसाठी खाटा उपलब्ध करण्याची तयारी करण्यात आली आहे. कराेनाचा सामना करण्यासाठी सेंट जॉर्जेस रुग्णालयासोबत जी. टी. रुग्णालयही सज्ज असल्याची माहिती डॉ. पल्लवी सापळे यांनी दिली.
करोनाबाधित रुग्णांची वाढती संख्या लक्षात घेता सध्या सेंट जॉर्जेस रुग्णालयामध्ये ५० खाटा राखीव ठेवण्यात आल्या आहेत. यामध्ये ४० खाटा सामान्य असून, १० खाटा अतिदक्षता विभागामध्ये राखीव आहेत. सध्या रुग्णालयामध्ये फक्त पाचच करोनाचे रुग्ण दाखल आहेत. यामध्येही एकाही रुग्णाची प्रकृती गंभीर नाही. मात्र सध्या करोनाबाधित रुग्णांची वाढती संख्या लक्षात घेता रुग्णालय प्रशासन सतर्क झाले आहे. रुग्णसंख्या मोठ्या प्रमाणात वाढल्यास रुग्णांना योग्य उपचार मिळावेत यासाठी रुग्णालयामध्ये २५० खाटा राखीव ठेवण्याचे नियोजन करण्यात आले आहे. या खाटाही कमी पडल्यास संपूर्ण रुग्णालय करोनासाठी राखीव ठेवण्यात येईल, अशी माहिती जे. जे. रुग्णालयाच्या अधिष्ठाता डॉ. पल्लवी सापळे यांनी दिली. करोनाचा सामना करण्यासाठी सेंट जॉर्जेस रुग्णालय सज्ज असून राखीव खाटांचे नियोजन करण्यात आले आहे. आवश्यकता पडल्यास खाटा वाढविण्याची तयारी आहे. सध्या आवश्यक औषधसाठाही पुरेशा प्रमाणात उपलब्ध असल्याची माहिती सेंट जॉर्जेस रुग्णालयाचे वैद्यकीय अधिक्षक डॉ. विनायक सावर्डेकर यांनी दिली.
सेंट जॉर्जेससोबत जीटी रुग्णालयही सज्ज
सेंट जॉर्जेसमध्ये खाटांचे योग्य प्रकारे नियोजन करण्यात आले आहे. मात्र करोनाबाधित रुग्णांची संख्या वाढल्यास राज्य सरकारच्या सूचनांनुसार जी.टी. रुग्णालयामध्ये करोना रुग्णांसाठी खाटा उपलब्ध करण्याची तयारी करण्यात आली आहे. कराेनाचा सामना करण्यासाठी सेंट जॉर्जेस रुग्णालयासोबत जी. टी. रुग्णालयही सज्ज असल्याची माहिती डॉ. पल्लवी सापळे यांनी दिली.
