पावसाळ्यातील दुर्घटनांत २८ मृत्यू; चार महिन्यांत १०२ जखमी, फांद्या कोसळण्याच्या प्रकारांत वाढ

हेही वाचा >>> महाविकास आघाडीने केवळ ‘वसुली सरकार’ म्हणून काम केले ; महसूलमंत्री राधाकृष्ण विखे यांचा आरोप

यंदा पाऊस खूप पडला तरी पाणी तुंबण्याच्या घटनाही कमी घडल्या. तसेच दुर्घटनांचे प्रमाणही कमी झाले आहे. इमारती पडणे, दरड कोसळणे, फांद्या पडणे, वीजेचा धक्का अशा विविध घटनांच्या १६१५ तक्रारी यावेळी चार महिन्यात पालिकेकडे आल्या. या दुर्घटनांमध्ये १०२ जण जखमी झाले तर २८ जण मृत्यूमुखी पडले आहेत. त्यापैकी इमारत किंवा घर पडण्याच्या दुर्घटनांमध्ये सर्वाधिक म्हणजेच २५ मृत्यू झाले आहेत.

१३१० तक्रारी : झाडे व फांद्या पडल्याच्या १३१० तक्रारींची नोंद झाली. गेल्यावर्षी ९२१ तक्रारी होत्या. यंदा या दुर्घटनेत एकाही मृत्यूची नोंद नाही. झाडांच्या फांद्या छाटणीसाठी पालिका दरवर्षी कोटय़वधी रुपये खर्च करीत असते. तसेच खासगी जमिनींवरील झाडांच्या छाटणीसाठी सोसायटय़ांना आवाहन करीत असते. मात्र तरीही यंदा फांद्या पडण्याच्या दुर्घटनांमध्ये वाढ झाली आहे.