डोंबिवलीत पाच दिवसांच्या चिमुकलीला दुसऱया मजल्यावरून फेकले!

डोंबिवलीत अवघ्या पाच दिवसांच्या चिमुकलीला इमारतीच्या दुसऱया मजल्यावरून फेकून दिल्याची धक्कादायक घटना घडली. डोंबिवलीतील शुभदा नर्सिंग होममध्ये सुनंदा गायकवाड या महिलेने पाच दिवसांपूर्वी मुलीला जन्म दिला होता. गुरूवारी सकाळी एका अज्ञाताने मुलीला पाळण्यातून पळवले आणि इमारतीच्या दुसऱया मजल्यावरून खाली फेकून दिले. घटनेत चिमुकलीचा मृत्यू झाला असून पोलीसांनी या प्रकरणाची चौकशी सुरू केली आहे. चिमुकलीला फेकून दिलेला व्यक्ती फरार असून पोलीस तपास करत आहेत. मिळालेल्या माहितीनुसार अद्याप कोणालाही अटक करण्यात आलेली नाही. दरम्यान, या घटनेमुळे परिसरात तणाव पसरला आहे.