मुंबई : अंधेरी परिसरातील ‘हायमास्ट’च्या दुरुस्तीसाठी ६९ लाखांचा खर्च

मुंबई: अंधेरी, जोगेश्वरी पश्चिम परिसरातील ‘हायमास्ट’ची (उंचावरील प्रखर दिवे) दुरुस्ती आणि संरचनात्मक बांधणी करण्याचा निर्णय मुंबई महानगरपालिकेने घेतला आहे. गेल्या आठ – दहा वर्षांमध्ये उभारण्यात आलेल्या या दिव्यांच्या दुरुस्तीसाठी महानगरपालिकेला ६९ लाख रुपये खर्च करावे लागणार आहेत.

आणखी वाचा

‘या’ किल्ल्यावरील अंडाकृती खडकाखाली दडलंय काय?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

VIDEO: रील बनवण्यासाठी दारुड्यानं थेट रेल्वे ट्रॅकवर नेली थार; तितक्यात पाठीमागून मालगाडी आली अन्…थरारक शेवट

लोकमानस : कणा आणखी किती भार सोसणार?

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

निवडणूक कर्तव्यार्थ तैनात कर्मचाऱ्यांना निवडणुकीनंतरच्या दिवशी सुटी द्यावी

पुणे जिल्ह्यात प्रथमच दुर्मीळ ‘युरेशियन पाणमांजरा’चा शोध, इंदापूरमधील विहिरीमध्ये पडलेल्या पाणमांजराची सुटका

३,००० कामगार, ४१२ दरवाजे, १३२ खोल्या अन् बरंच काही; जाणून घ्या ट्रम्प यांच्या होणाऱ्या अधिकृत निवासस्थानाची वैशिष्ट्यं

अंधेरी, जोगेश्वरी परिसरात २०१३ ते २०१७ या काळात तब्बल ११४ ‘हायमास्ट’ बसविण्यात आले होते. रात्री अंधूक प्रकाश असलेल्या चौकांत किंवा एखाद्या परिसरात उंचावर हे प्रखर दिवे बसविण्याची मागणी नगरसेवकांकडून करण्यात आली होती. असे अनेक दिवे या परिसरात बसविण्यात आले आहेत. यापैकी बहुतांश दिवे आता वारंवार बंद पडू लागले आहेत.

हेही वाचा… मुंबईः अनैतिक संबंधांच्या संशयावरून हत्या; आरोपी अटकेत

तर दिव्यांचे खांब उभारण्यासाठी तयार केलेली संरचनात्मक व्यवस्था (पाया) कमकुवत झाल्याचे आढळून आले आहे. त्यामुळे के पश्चिम विभाग कार्यालयाने या ११४ ‘हायमास्ट’ची पाहणी केली होती. त्यावेळी ५४ हायमास्ट सुस्थितीत असल्याचे आढळून आले, तर ६० हायमास्टची दुरुस्ती आणि पाया मजबूत करण्याची गरज असल्याचे निदर्शनास आले होते. त्यामुळे महानगरपालिकेने या कामासाठी अंदाजपत्रक तयार करून निविदा मागवल्या होत्या. या कामासाठी ६९ लाख १५ हजार रुपये खर्च करण्यात येणार आहेत.