संगीत मैफल, मुक्त रंगमंच आणि पुस्तक प्रदर्शन..

९५ वे अखिल भारतीय मराठी नाटय़ संमेलन ६ ते ८ फेब्रुवारी या कालावधीत बेळगाव येथे होणार आहे. संगीत व गद्य नाटक, संगीत मैफल, बालनाटय़, मुक्त रंगमंच असे विविध कार्यक्रम होणार आहेत. ज्येष्ठ रंगकर्मीच्या भूमिकांना उजाळा देणारा चित्ररथ हे संमेलनानिमित्त काढण्यात येणाऱ्या नाटय़दिंडीचे खास आकर्षण असणार आहे.
मुंबईत शुक्रवारी झालेल्या एका पत्रकार परिषदेत अखिल भारतीय मराठी नाटय़ परिषदेचे अध्यक्ष मोहन जोशी, प्रमुख कार्यवाह दीपक करंजीकर, कोषाध्यक्षा लता नार्वेकर यांनी नाटय़ संमेलनाविषयी सविस्तर माहिती दिली.
मुख्य संमेलनाच्या अगोदर म्हणजे १ ते ५ फेब्रुवारी दरम्यान विविध कार्यक्रमही होणार असून त्याची जबाबदारी नाटय़ परिषदेच्या बेळगाव शाखेकडे सोपविण्यात आली आहे. तीन नाटके, एक संगीतविषयक कार्यक्रम आणि अन्य स्थानिक कलाकारांच्या कार्यक्रमांचा यात समावेश आहे.
अखिल भारतीय मराठी नाटय़ संमेलनात सीमा प्रश्नाचा ठराव घ्यायचा किंवा नाही या वादावरून बेळगाव नाटय़ संमेलनाबाबत प्रश्नचिन्ह निर्माण झाले होते. मात्र निर्माण झालेला सर्व वाद आता निवळला असून सगळ्यांचे सहकार्य संमेलनासाठी मिळत असल्याचे या वेळी सांगण्यात आले.

नाटय़दिंडीत विविध चित्ररथांचा समावेश
संमेलनाचे कार्यक्रम मुख्य व्यासपीठ (रंगमंच) आणि तीन नाटय़गृहात होणार आहेत. नाटय़ संमेलनात ‘मुक्त रंगमंच’ उभारण्यात येणार असून त्यावरही विविध कलावंत एकपात्री कार्यक्रम सादर करणार आहेत. नाटय़ संमेलनाच्या निमित्ताने बेळगाव शहरातील प्रमुख रस्त्यांवरुन नाटय़दिंडी काढण्यात येणार आहे. नाटय़ कलावंतांसह विविध चित्ररथ दिंडीत असणार आहेत. ज्येष्ठ रंगकर्म्ीच्या भूमिकांच्या आठवणींना उजाळा देणारा
विशेष चित्ररथासह ३०० वारकरी, सजविलेल्या बग्गी, घोडेस्वार, पालख्या यांचा दिंडीत समावेश आहे. नाटय़ संमेलनाच्या ठिकाणी पुस्तक प्रदर्शनाचेही आयोजन करण्यात आले आहे.

आणखी वाचा

Places Of Worship Act : मंदिर-मिशिदींविरोधात ‘तोपर्यंत’ दाखल होणार नाहीत नवे खटले, सर्वोच्च न्यायालयाने दिले महत्त्वपूर्ण निर्देश

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

दिल्लीतील भारंगम आंतरराष्ट्रीय महोत्सवात नाशिकचा ‘कलगीतुरा’

लेकीच्या लग्नात पाहुण्यांचे स्वागत, ढोल-ताशाच्या तालावर अनुराग कश्यपचा डान्स; व्हिडीओ सोशल मीडियावर व्हायरल

नागपुरात दरवर्षी विधिमंडळाचे अधिवेशन घेण्याबाबत यशवंतराव चव्हाणांचीभूमिका काय होती ?

उपेंद्र लिमयेंचा पहिला तेलुगू चित्रपट! थेट दाक्षिणात्य दिग्दर्शकाकडून कौतुक; म्हणाला, “सर कोणतीही भूमिका…”

नागपूर : डान्सबारमध्ये आंबटशौकीन ग्राहकांसमोर अश्लील नृत्य; मुंबई-दिल्लीच्या वारांगना…

‘मन की बात’नंतर आता ‘मन का गीत’; गीत, संगीत, नृत्य, अभिवाचन आणि दृकश्राव्य माध्यमातून नरेंद्र मोदी यांच्या कवितांचा कार्यक्रम