जुन्या वादातून ४८ वर्षीय व्यक्तीचा घरात घुसून खून, मृत बजरंग दलाचा कार्यकर्ता

पितांबर हिरामण जाधव (४८) असे मृत व्यक्तीचे नाव असून ते चेंबूर नाका परिसरातील रहिवासी होते. जाधव यांचा भाचा नितीन काळे याच्या तक्रारीवरून आरसीएफ पोलिसांनी याप्रकरणी हत्या, धमकावणे, कट रचणे, घरात बेकायदा शिरणे अशा विविध कलमांतर्गत गुन्हा दाखल केला आहे. याप्रकरणी पोलिसांनी कार्तिक अण्णा देवेदर ऊर्फ बाबू (२८) व अण्णा दुबाई देविंदर ऊर्फ दिल्ली (५४) यांना अटक केली आहे. यातील बाबू हा सराईत आरोपी असून त्याच्याविरोधात सात गुन्हे दाखल आहेत. तसेच त्याच्यावर तीन वेळा प्रतिबंधात्मक कारवाई करण्यात आली होती. त्याला सहा महिन्यांसाठी मुंबईतून हद्दपारही करण्यात आले होते. याप्रकरणी दोन महिलांसह आणखी आरोपींचा सहभाग असल्याचा संशय आहे. त्यांच्यावरही गुन्हा दाखल करण्यात आला आहे.

आणखी वाचा

Satish Wagh Murder: सतीश वाघ खून प्रकरणातील आरोपींना २० डिसेंबरपर्यंत पोलीस कोठडी

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

सीएसएमटी अपघात : सीसीटीव्हीच्या तपासणीनंतर अखेर अपघातातील आरोपी सापडला

“…म्हणून माझ्यावर ही वेळ आली का?” मयत सरपंच संतोष देशमुखांच्या आईचा टाहो; पत्नी म्हणाली, “ते १५ वर्षांपासून..”

“४५० ठिकाणचे CCTV, अपहरणासाठी वापरलेली कार अन्…”, पोलीस आयुक्तांनी सांगितलं सतीश वाघ यांच्या मारेकऱ्यांना कसं पकडलं?

‘बंडखोर’ आबांचे घरवापसीसाठी ‘आर्जव’

कुर्ला अपघातःचालकाला सदोष मनुष्यवधाच्या गुन्ह्यांत अटक; २१ डिसेंबरपर्यंत पोलीस कोठडी

आर्थिक फसवणुकीच्या गुन्ह्यांत अडकल्याची भीती दाखवून महिलेची सायबर फसवणूक

हेही वाचा – एक कोटीच्या चरसासह ५७ वर्षीय व्यक्तीला अटक

हेही वाचा – मुंबई : पूर्ववैमनस्यातून झालेल्या हल्ल्यात एक जण जखमी, तिघांविरोधात गुन्हा दाखल

तक्रारीनुसार, दोन दिवसांपूर्वी जाधव व देवंदर कुटुंबियांमध्ये वाद झाला होता. दोघेही एकाच परिसरात राहणारे आहेत. त्या रागातून आरोपींनी घरात घुसून मारहाण केली. त्यानंतर जाधव यांना तत्काळ शीव येथील लोकमान्य टिळक रुग्णालयात दाखल करण्यात आले. पण तेथील डॉक्टरांनी त्यांना मृत घोषित केले. याप्रकरणी अपमृत्यूची नोंद करण्यात आली होती. पोलिसांनी जाधव यांच्या भाच्याचा जबाब नोंदवला असता त्याने देवेंदर कुटुंबियांनी जाधव यांचा खून केल्याचे सांगितले. त्यानुसार गुन्हा दाखल करण्यात आला. मृत व्यक्ती ही बजरंग दलाची कार्यकर्ता होती. जाधव याच्याशी आरोपींचे वाद होते. त्यातून हा खून झाल्याचे बोलले जात आहे. याबाबत पोलीस अधिक तपास करत आहेत.