मुंबई : म्हाडाच्या सदनिकेचे आमीष दाखवून २१ जणांची फसवणूक, दोन कोटी ३० लाखांची फसवणूक

बाईत यांची एप्रिल २०१७ मध्ये आरोपी घाटविसावे यांच्याशी ओळख झाली होती. म्हाडा कार्यालयात आपला चांगला प्रभाव असल्याचे घाटविसावे यांनी तक्रारदाराला  सांगितले. तसेच प्रभादेवीमधील सेंच्युरी बाजार म्हाडा कॉलनीतील म्हाडाच्या गिरणी कामगाराच्या सदनिका बाजार भावापेक्षा कमी किंमतीत मिळवून देण्याची आमीषही त्यांनी दाखवले, असा आरोप तक्रारीत करण्यात आला आहे. घाटविसावे यांच्यावर विश्वास ठेऊन तक्रारदार बाईत व त्यांच्या यांच्या नातेवाईकांसह अन्य २० जणांनी सेंच्युरी बाजार म्हाडा कॉलनीतील सदनिका मिळवण्यासाठी एप्रिल २०१७ ते नोव्हेंबर २०१९ या कालावधीत आरोपींना एकूण दोन कोटी ३० लाख रुपये दिले.

आणखी वाचा

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

Nana Patole : निकालाआधी राजकीय घडामोडींना वेग; यातच…

शिक्षण संस्थेच्या नावाखाली औद्योगिक भूखंडावर डोळा, मंत्री अब्दुल सत्तार यांच्या खेळीस अधिकाऱ्यांच्या सजगतेमुळे चाप

स्वारगेट एसटी स्थानकात चोरट्यांचा उच्छाद, प्रवासी तरुणाकडील साडेसहा लाखांचे दागिने चोरीला

पोलीस असल्याच्या बतावणीने सराफाची फसवणूक; सोनसाखळी चोरून चोरटा पसार

अंबर दलाल प्रकरणात २२ कोटींच्या मालमत्तेवर टाच, ११०० कोटींचा गैरव्यवहार

सोलापूर जिल्हा बँक घोटाळ्याची ३२ तत्कालीन संचालकांवर जबाबदारी, ११०३ कोटी रुपये गैरव्यवहार प्रकरण, ऐन निवडणुकीत निर्णयाने खळबळ

हेही वाचा >>> मुंबईः पावणे दोन कोटींच्या सोन्यासाठी पाच लाखांची खंडणी, दोघांना खंडणी विरोधी पथकाकडून अटक

घर खरेदी करणाऱ्यांनी आरोपींसोबत सामंजस्य करार (एमओयू) केला. त्यात आरोपींनी त्यांना दिलेल्या आश्वासने लिखीत स्वरूपात नमुद केली. पण आरोपीला पैसे देणाऱ्या कोणालाही अद्यापही सदनिका मिळालेली नाही. तक्रारदारांनी त्यांना विलंबाबद्दल विचारले असता आरोपी त्यांच्याकडे दुर्लक्ष करू लागले. काही ना काही सबब सांगून जास्त वेळ मागून घ्यायचे. अखेर घर खरेदीदारांना आपली फसवणूक झाल्याचे लक्षात येताच त्यांनी बुधवारी पोलिसांत तक्रार केली.

हेही वाचा >>> आयएएस अधिकाऱ्याचा हॉटेलमध्ये संशयास्पद मृत्यू

तक्रारदारांना सेंच्युरी बाजार म्हाडा कॉलनीतील म्हाडाच्या गिरणी कामगारांच्या सदनिका दाखवण्यात आल्या होत्या. तसेच आरोपींनी त्यांना वांद्रे येथील म्हाडा कार्यालयातही नेले होते. तिथे त्यांचे बायोमेट्रिक तपशील घेण्यात आले होते. आरोपींनी तक्रारदारांचा विश्वास संपादन केला होता. सर्व तक्रारदार प्रकल्पग्रस्त आहेत आणि त्यांना नुकतेच एका बांधकाम व्यावसायिकाकडून प्रत्येकी ३० लाख रुपये मिळाले होते. पीडितांनी हे पैसे म्हाडाची सदनिका घेण्यासाठी आरोपींना दिले होते. पण त्यांची फसवणूक झाली. आरोपींनी रोख तसेच धनादेशाद्वारे पैसे स्वीकारले होते. याप्रकरणी पुरावे गोळा करण्यात येत असल्याचे अधिकाऱ्याने सांगितले.

प्राथमिक तपासात घटविसावे मुख्य आरोपी असल्याचा पोलिसांना संशय आहे, तर उर्वरित आरोपी हे लाभार्थी आहेत. त्यांच्या खात्यात फसवणुकीचे पैसे जमा झाले आहेत. पोलिसांनी याप्रकरणी ३८ लाखांहून अधिक फसवणुकीच्या रकमेचा माग घेतला आहे. याप्रकरणी दादर पोलिसांनी  सहा आरोपींविरूद्ध भादंवि कलम ४०६ (गुन्हेगारी विश्वासघात ), ४०९ (लोकसेवक,  व्यापारी किंवा दलाल यांच्याकडून विश्वासाघात), ४२० (फसवणूक) आणि ३४ (सामान्य हेतू) अंतर्गत गुन्हा दाखल केला आहे.