‘हाऊसफुल 4’ पुन्हा अडचणीत, सेटवर महिला ज्युनिअर आर्टिस्टचा विनयभंग

चित्रकूट स्टुडिओमध्ये हाऊसफूल 4 चित्रपटाचं शुटिंग सुरु असताना हा प्रकार घडल्याची माहिती महिला कलाकाराने दिली आहे. सहा जण एका ज्युनिअर आर्टिस्टसोबत भांडत होते. त्यातीलच एकाने आपला विनयभंग केल्याची माहिती तिने दिली आहे. गुरुवारी रात्री हा प्रकार घडला असून महिला कलाकाराने पोलीस ठाण्यात तक्रार दाखल केली आहे. पोलिसांनी तक्रारीच्या आधारे एफआयआर दाखल केला आहे.

पीडित महिलने दिलेल्या माहितीनुसार, मी आणि माझा सहकारी कलाकार एकत्र बसलो होतो. यावेळी पवन शेट्टी आणि सागर इतर चार जणांसोबत तिथे आले आणि माझ्यासोबत असलेल्या मित्राला जबरदस्ती घेऊन जाऊ लागले. त्यांनी यावेळी धमकी देखील दिली. मी त्यांना थांबवण्याचा प्रयत्न केला असता शेट्टी याने मला धक्का दिला आणि नको त्या ठिकाणी स्पर्श करु लागला. मी विनयभंगाचा गुन्हा दाखल केला आहे. मला त्यांना तुरुंगात पहायचं आहे.