सांताक्रूझच्या हॉटेलमध्ये भीषण आग; तिघांचा मृत्यू, तीन जखमी

सांताक्रुझच्या प्रभात वसाहतीनजिक असलेल्या गलॅक्सी हॉटेलच्या तिसऱ्या मजल्यावर रविवारी दुपारी दीडच्या सुमारास खोली क्रमांक १०३ मध्ये अचानक आग लागली. काहीच वेळात आगीची तीव्रता वाढली आणि ती वरच्या मजल्यापर्यंत पसरली. घटनेची माहिती मिळताच अग्निशमन दलाच्या अनेक गाडय़ा घटनास्थळी दाखल झाल्या आणि आगीवर नियंत्रण मिळविण्याचा तसेच अडकलेल्यांना बाहेर काढण्याचा प्रयत्न सुरू केला. मात्र, रुपाली कांजी (२५), किशन (२८) आणि कांतीलाल गोर्धन वारा (४८) या तिघांचा होरपळून मृत्यू झाला. तर, अल्फा वखारिया (१९), मंजुला वखारिया (४९) आणि मोहम्मद असलम (४८) हे तिघे जखमी झाले आहेत. त्यांच्यावर व्ही. एन. देसाई रुग्णालयात उपचार सुरू आहेत. या घटनेत हॉटेलचे मोठे नुकसान झाले आहे.

आणखी वाचा

अन्वयार्थ : ‘उत्तम प्रदेशा’तल्या बाळांची होरपळ

Nana Patole : निकालाआधी राजकीय घडामोडींना वेग; यातच…

Jhansi Fire: झाशीमध्ये हाहाकार! रुग्णालयाच्या आगीत १० नवजात अर्भकांचा होरपळून मृत्यू, योगी आदित्यनाथांकडून शोक व्यक्त

पुणे : शहरात वेगवेगळ्या अपघातात तिघांचा मृत्यू

Video: पुण्यातील हडपसर भागातील जुन्या इमारतीत आग, लहान मुलांसह सात रहिवाशांची सुटका

ठाणे : अपघातात एकाचा मृत्यू, ओवळा नाका येथील घटना

छत्रपती संभाजीनगर : फुलंब्रीतील दुकानात आगीनंतर भडका; तिघांचा मृत्यू, दोघे गंभीर

स्वारगेट स्थानकाच्या आवारात एसटी बसच्या धडकेत प्रवासी तरुणाचा मृत्यू

हेही वाचा >>>‘इंडिया’च्या मानचिन्हाचे गुरुवारी अनावरण; दोन दिवसांच्या बैठकीत समन्वयावर चर्चा

इमारतीला लागलेल्या आगीचे नेमके कारण अद्याप स्पष्ट झालेले नाही. महापालिका कार्यक्षेत्रात अग्निप्रतिबंधक कायद्यानुसार शासकीय कार्यालयांसह पंधरा मीटरपेक्षा अधिक उंच असलेल्या इमारतींसाठी अग्निप्रतिबंधक यंत्रणा बसविणे गरजेचे असते. तसेच औद्योगिक इमारत असल्यास त्यासाठी कोणत्याही उंचीची अट न ठेवता अग्निप्रतिबंधक यंत्रणा बसवणे अपरिहार्य ठरते. मात्र, गलॅक्सी हॉटेल १९६६ साली बांधण्यात आले असून त्याकाळी अग्निप्रतिबंधक यंत्रणेविषयी कायदे अस्तित्वात नव्हते. त्यामुळे संबंधित इमारतीमध्ये अग्निप्रतिबंधक यंत्रणा बसविण्यात आली नव्हती, अशी माहिती अग्निशमन दलातील वरिष्ठ अधिकाऱ्यांनी दिली.