अनिल अंबानींना उच्च न्यायालयाकडून पुन्हा दिलासा;नव्याने बजावलेल्या नोटिशीलाही स्थगिती

मुंबई : दोन स्विस बँक खात्यांमध्ये ठेवलेल्या ८१४ कोटी रुपयांपेक्षा जास्त किमतीच्या अघोषित निधीवरील ४२० कोटी रुपयांचा कर चुकवल्याप्रकरणी प्राप्तिकर विभागाने काळा पैसा प्रतिबंधक कायद्यांतर्गत रिलायन्स एडीएजी समूहाचे अध्यक्ष अनिल अंबानी यांना नव्याने पाठवलेल्या कारणे दाखवा नोटिशीलाही उच्च न्यायालयाने शुक्रवारी स्थगिती दिली. त्याच वेळी कोणतीही कठोर कारवाई न करण्याबाबत अंबानी यांना आधी दिलेला दिलासाही यावेळी न्यायालयाने कायम ठेवला.