वृद्ध महिलेचे हात-पाय बांधून मौल्यवान वस्तूंची लूट

जयवंती वतनदार (वय ६४) असे या वृद्ध महिलेचे नाव असून त्या भांडुपगाव येथे त्यांच्या मुलासह राहतात. त्यांचा मुलगा शनिवारी रात्री बाहेर गेला होता. दरम्यान रविवारी पहाटे दोनच्या सुमारास अचानक त्यांच्या घरात एक चोरटा शिरला. त्याने महिलेचे हात-पाय बांधून तोंडालाही पट्टी बांधली. त्यानंतर घरातील कपाटात असलेले काही सोन्याचे दागिने आणि रोख रक्कम घेऊन पोबारा केला.

आणखी वाचा

लक्षवेधी लढत : आदित्य ठाकरेंची कोंडी करण्याची खेळी

मोदींकडे पुरेसे संख्याबळ नसल्याने केव्हाही मध्यावधी निवडणुका शक्य;…

मुंबई: मानखुर्द येथे चांदीचा ट्रक अडवला, ८० कोटींची आठ हजार ४७६ किलो वजनाची चांदी जप्त

बाबा सिद्दीकी हत्या प्रकरण : आकाशदीप गिलला पंजाबमधून अटक

शेतीमालाला हमीभाव नाहीच, जाणून घ्या, हमीभाव किती, मिळणारा दर किती

आमच्या भविष्यासाठी अमितकाका तुम्हाला आमदार व्हावेच लागेल, मनसे पदाधिकाऱ्याच्या कन्येचे प्रचारादरम्यान अमित ठाकरेंना पत्र

गर्भधारणेच्या वेळी महिलांना मधुमेहाचा धोका

वर्सोव्यात अल्पसंख्याक मतांवर भवितव्य, भाजपसाठी लढत कठीण

साडेसहाशे गृहनिर्माण संस्थांमध्ये होणार मतदान, मुंबईत प्रथमच मोठ्या स्तरावर प्रयोग, मतदान वाढण्याची अपेक्षा

हेही वाचा… कचऱ्याची पिशवी रस्त्यावर टाकणाऱ्या दुकानदाराला दंड; दादरमध्ये पालिकेची स्वच्छतेसाठी अनोखी शोधमोहीम

दोन्ही हात-पाय आणि तोंडाला पट्टी बांधल्याने महिलेला काहीही हालचाल करता आली नाही. त्यामुळे बारा तास ही महिला घरात एकटीच पडून होती. त्यानंतर रविवारी दुपारी तीनच्या सुमारास महिलेचा मुलगा घरी परतल्यानंतर आईची ही अवस्था बघून त्याला धक्का बसला. त्याने तत्काळ आईला रुग्णालयात दाखल करून, कांजूरमार्ग पोलिसांना घटनेची माहिती दिली. त्यानुसार पोलिसांनी घटनास्थळी जाऊन पाहणी करत अनोळखी इसमाविरोधात गुन्हा दाखल केला असून पोलीस आरोपीचा शोध घेत आहेत.