मुंबई : उद्घाटनानंतर एक वर्ष लोटले तरी आंतरराष्ट्रीय विद्यार्थ्यांचे वसतिगृह बंदच

राज्यात परदेशी विद्यार्थ्यांच्या संख्येत पुणे आणि मुंबई आघाडीवर आहेत. येणारे बहुतेक विद्यार्थी या दोन शहरांतील विद्यापीठांमध्ये शिक्षण घेण्यास प्राधान्य देतात. मात्र, त्यांच्यासाठी सुयोग्य सुविधांचा अभाव असल्याची चर्चाही सातत्याने होते असते. आंतरराष्ट्रीय विद्यार्थ्यांसाठी चर्चगेट येथील सी मार्गावर आंतरराष्ट्रीय विद्यार्थ्यांचे वसतिगृह होते. वसतिगृहाची इमारत जीर्ण झाल्यामुळे ती राहण्यासाठी धोकादायक होती. त्यामुळे हे वसतिगृह बंद करण्याचा निर्णय विद्यापीठाने घेतला. त्यानंतर आंतरराष्ट्रीय विद्यार्थ्यांसमोर राहण्याचा प्रश्न उद्भवू नये, यासाठी कलिना संकुलात नवीन इमारत बांधण्याचे विद्यापीठाने ठरवले. त्याचे बांधकाम पूर्ण होऊन उद्घाटनही झाले. मात्र, नवे शैक्षणिक वर्ष सुरू झाले. तरीही अद्याप हे वसतिगृह वापरात आलेले नाही.

आणखी वाचा

अन्वयार्थ : हजार कोटी सापडले, त्याचे पुढे काय झाले?

१५ नोव्हेंबर पंचांग: कार्तिक पौर्णिमेला कोणाला होईल धनप्राप्ती?…

उच्च शिक्षण घेऊ इच्छिणार्‍या विद्यार्थ्यांना मिळणार १० लाखांपर्यंत शैक्षणिक कर्ज; काय आहे ‘पंतप्रधान विद्यालक्ष्मी योजना’?

कला अकादमी आणि नूतनीकरणाची मोगलाई

वसई धर्मप्रांताच्या बिशपपदी फादर थॉमस डिसोजा, व्हॅटीकन सिटीच्या पोपकडून घोषणा

कॅनडात शिक्षणासाठी जाणे कठीण, फास्ट ट्रॅक व्हिसावर घातली बंदी; याचा भारतीय विद्यार्थ्यांवर काय परिणाम होणार?

विश्लेषण : रंगभूमी दिन ५ नोव्हेंबरला का असतो? यंदा अद्याप साजरा का झाला नाही?

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

हेही वाचा – वृक्षांची कत्तल वा पुनर्रोपणाच्या सुनावणीसाठी आक्षेप आणि सूचना ऑनलाईन पद्धतीनेच, मुंबई महानगरपालिकेचा उद्यान विभाग अद्याप ‘करोना काळातच’

आंतरराष्ट्रीय विद्यार्थ्यांसाठीचे नवीन वसतिगृह हे सहा मजली आहे. १४६ विद्यार्थ्यांची क्षमता असलेल्या या वसतिगृहात वाचन कक्ष, ग्रंथालय आदी सर्व सोयीसुविधा उपलब्ध आहेत. सध्या मुंबई विद्यापीठातील विविध विभाग आणि संलग्नित महाविद्यालयात जवळपास २०० आंतरराष्ट्रीय विद्यार्थी शिकत आहेत.

नामकरणावरून वाद कायम

तत्कालीन कुलपती व माजी राज्यपाल भगतसिंह कोश्यारी यांच्या हस्ते ८ जुलै २०२२ रोजी वसतिगृहाच्या इमारतीचे उद्घाटन करण्यात आले होते. यावेळी कोश्यारी यांनी भाषण करताना वसतिगृहाला स्वातंत्र्यवीर सावरकर यांचे नाव देण्याची मागणी केली होती. राज्यपालांच्या या मागणीनंतर काही विद्यार्थी संघटनांनी त्याला विरोध केला. आंतरराष्ट्रीय विद्यार्थी वसतिगृहाला छत्रपती शाहू महाराजांचे नाव देण्याची मागणी छात्र भारती विद्यार्थी संघटनेने केली. या वसतिगृहाला कोणाचे नाव द्यावे याचा अद्यापही निर्णय झाला नसल्याचे समजते आहे.

हेही वाचा – Video : “वार होते कडवट, जिव्हारी आणि…”, वर्षपूर्तीनिमित्त शिवसेनेचं खास ट्वीट; वर्षभराचा आढावा काव्यरुपात सादर

वसतिगृह सुरु करण्याची प्रक्रिया अंतिम टप्प्यात

मुंबई विद्यापीठाच्या कलिना संकुलातील आंतरराष्ट्रीय विद्यार्थी वसतिगृह सुरू करण्याची प्रक्रिया अंतिम टप्प्यात आहे. वसतिगृहास निवासी दाखलाही मिळाला आहे. आंतरराष्ट्रीय विद्यार्थ्यांसाठी हे वसतिगृह लवकरात लवकर सुरू करून प्रवेश प्रक्रिया राबविण्यात येईल. उद्घाटनानंतर वसतिगृह सुरू करण्यासाठीची आवश्यक ती प्रक्रिया सुरू होती. त्यामुळे वसतिगृह सुरू करण्यास विलंब झाला, असे मुंबई विद्यापीठ प्रशासनाने स्पष्ट केले.