World Tribal Day 2024मुंबई : आरे वसाहतीत शुक्रवारी, ९ ऑगस्ट रोजी जागतिक आदिवासी दिन आणि ऑगस्ट क्रांती दिनानिमित्त आयोजित केलेल्या कार्यक्रमास आरे पोलीस ठाण्याने मनाई केली आहे. अशा प्रकारच्या कार्यक्रमासाठी गेल्या वर्षी पोलिसांकडून देण्यात आलेले परवानगीचे पत्र दाखवण्याची मागणी पोलिसांनी केली होती. ते दाखवल्यानंतरही पोलिसांनी जागतिक आदिवासी दिन आणि ऑगस्ट क्रांती दिन साजरा करण्यास मनाई केली आहे, असा आरोप कष्टकरी शेतकरी संघटनेच्या वतीने करण्यात आला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

आरे वसाहतीत दरवर्षी जागतिक आदिवासी दिन आणि ऑगस्ट क्रांती दिन साजरा केला जातो. यंदाच्या कार्यक्रमासाठी संघटनेमार्फत २२ जुलै रोजी आरे पोलीस ठाण्याकडे कार्यकर्त्यांनी विनंती अर्ज सादर केला होता. मात्र, कार्यक्रमाला दोन दिवस शिल्लक असताना बुधवारी संघटनेच्या कार्यकर्त्यांना बोलावून पोलिसांनी शुक्रवारी आयोजित केलेला कार्यक्रम घेता येणार नाही असे सांगितले. गेल्या वर्षी दिलेली पोलीस परवानगी दाखवल्यानंतरही त्यांनी कार्यक्रमास परवानगी दिली नाही, असा आरोप संघटनेच्या कार्यकर्त्यांनी केला आहे.

आणखी वाचा

हेही वाचा >>>पवईतील जयभीम नगरातील झोपड्यांवरील कारवाई तपास साकीनाका पोलिसांकडे वर्ग का ? उच्च न्यायालयाची राज्य सरकारला विचारणा

जागतिक आदिवासी दिनानिमित्त शुक्रवार, ९ ऑगस्ट रोजी आरे दुग्ध वसाहतीच्या गोरेगाव चेकनाका येथून आदिवासी बचाव यात्रा निघणार आहे. मुंबई शहराच्या सौंदर्यात भर घालणारे जंगल आदिवासी समाजाने राखले आहे. संजय गांधी राष्ट्रीय उद्यान, आरे दुग्ध वसाहत, चित्रनगरी येथील जंगल परिसर, तसेच गोराईगाव, मढ आयलंड या परिसरातील कांदळवनांची काळजी आदिवासी समाजाकडून घेतली जात असून ते मोठ्या संख्येने येथे राहतात. असे असूनही गावठाणे मंजूर करणे, शेतजमिनींच्या समस्यांसह वन हक्क कायदा २००६ ची अंमलबजावणी, जातीच्या दाखल्यांसह अन्य मानवी सुविधा मिळाव्यात आदी आदिवासींच्या कित्येक मागण्या प्रलंबित आहेत. या मागण्यांसाठी ९ ऑगस्टला आदिवासी बचाव यात्रेचे आयोजन करण्यात आले आहे.

आरे वसाहतीत दरवर्षी जागतिक आदिवासी दिन आणि ऑगस्ट क्रांती दिन साजरा केला जातो. यंदाच्या कार्यक्रमासाठी संघटनेमार्फत २२ जुलै रोजी आरे पोलीस ठाण्याकडे कार्यकर्त्यांनी विनंती अर्ज सादर केला होता. मात्र, कार्यक्रमाला दोन दिवस शिल्लक असताना बुधवारी संघटनेच्या कार्यकर्त्यांना बोलावून पोलिसांनी शुक्रवारी आयोजित केलेला कार्यक्रम घेता येणार नाही असे सांगितले. गेल्या वर्षी दिलेली पोलीस परवानगी दाखवल्यानंतरही त्यांनी कार्यक्रमास परवानगी दिली नाही, असा आरोप संघटनेच्या कार्यकर्त्यांनी केला आहे.

आणखी वाचा

हेही वाचा >>>पवईतील जयभीम नगरातील झोपड्यांवरील कारवाई तपास साकीनाका पोलिसांकडे वर्ग का ? उच्च न्यायालयाची राज्य सरकारला विचारणा

जागतिक आदिवासी दिनानिमित्त शुक्रवार, ९ ऑगस्ट रोजी आरे दुग्ध वसाहतीच्या गोरेगाव चेकनाका येथून आदिवासी बचाव यात्रा निघणार आहे. मुंबई शहराच्या सौंदर्यात भर घालणारे जंगल आदिवासी समाजाने राखले आहे. संजय गांधी राष्ट्रीय उद्यान, आरे दुग्ध वसाहत, चित्रनगरी येथील जंगल परिसर, तसेच गोराईगाव, मढ आयलंड या परिसरातील कांदळवनांची काळजी आदिवासी समाजाकडून घेतली जात असून ते मोठ्या संख्येने येथे राहतात. असे असूनही गावठाणे मंजूर करणे, शेतजमिनींच्या समस्यांसह वन हक्क कायदा २००६ ची अंमलबजावणी, जातीच्या दाखल्यांसह अन्य मानवी सुविधा मिळाव्यात आदी आदिवासींच्या कित्येक मागण्या प्रलंबित आहेत. या मागण्यांसाठी ९ ऑगस्टला आदिवासी बचाव यात्रेचे आयोजन करण्यात आले आहे.