काळबादेवीतील हत्येप्रकरणी आरोपीला अटक

मुंबई : काळबादेवी परिसरात रस्त्याच्या कडेला मृतावस्थेत सापडलेल्या व्यक्तीची हत्या करण्यात आल्याचा प्रकार उघड झाला आहे. पोलिसांनी केलेल्या सीसीटीव्ही तपासणीत त्याला एक व्यक्ती धक्काबुक्की करत असल्याचे समजले. अखेर पोलिसांनी याप्रकरणी २८ वर्षीय सराईत गुन्हेगाराला अटक केली आहे. त्याच्याविरोधात यापूर्वीही ९ गुन्हे दाखल आहे.

आणखी वाचा-तरुणीचे चित्रीकरण करून धमकावणाऱ्या तरुणाला बेड्या

काळबादेवी येथील पी.बी. रोड परिसरात रस्त्याच्या कडेला एक व्यक्ती बेशुद्धावस्थेत पडला असल्याचा दूरध्वनी मुंबई पोलिसांच्या मुख्य नियंत्रण कक्षाला मिळाला होता. पोलिसांनी येथील तत्काळ येथे जाऊन तपासणी केली असता सिंगापूरवाला इमारतच्या जवळ प्रवीण मेटल दुकानाच्या समोर पदपथावर एक व्यक्ती पडली होती. त्या व्यक्तीला रुग्णालयात नेले असता डॉक्टरांनी त्याला मृत घोषित केले. याप्रकरणी अपमृत्यूची नोंद करण्यात आली. आरोपी सध्या पोलीस कोठडीत आहे.