पुराव्यांअभावी छोटा राजनसह चार जणांची निर्दोष मुक्तता; २००९ सालचे दुहेरी हत्याकांड

मुंबई : कुख्यात गुंड छोटा राजन याच्यासह चार आरोपींची दुहेरी हत्याकांडातून विशेष सीबीआय न्यायालयाने गुरुवारी निर्दोष सुटका केली. जे. जे. येथील सिग्नलजवळील २००९ मध्ये गोळीबारप्रकरणी विशेष सीबीआय न्यायालयाने हा निकाल दिला. याप्रकरणी राजन याची निर्दोष सुटका झाली असली तरी त्याच्यावर इतर अनेक खटले सुरू असल्याने तो कारागृहातच राहणार आहे. आतापर्यंत त्याला पत्रकार जे. डे हत्येप्रकरणी दोषी ठरवण्यात आले होते. राजन आणि अन्य आरोपींविरोधात पुरावे सिद्ध करण्यात पोलिसांना पूर्णपणे अपयशी ठरले आहे.