Video : विमानाला १२ तास उशीर, मुंबई विमानतळावर प्रवाशांनी जमिनीवर बसून केलं जेवण

इंडिगोचे 6E2195 हे विमान रविवारी गोव्याहून दुपारी २.२५ वाजता उड्डाण घेणे अपेक्षित होते. मात्र काही तास उशीराने उड्डाण घेतल्यानंतर विमानाला रात्री ११.४० वाजता मुंबईत उतरविले गेले. विमानतळावरील कर्मचाऱ्यांनी स्टेपलॅडरला विमानाशी जोडून प्रवाशांना खाली उतरण्याची विनंती केली. तसेच विमान कंपनीने टर्मिनल १ ला प्रवाशांना नेण्यासाठी बसची व्यवस्था केली. बसमध्ये प्रवाशांना जेवणाची पाकिटे ठेवण्यात आले होते. मात्र प्रवाशांनी टर्मिनल १ ला जायला नकार दिला. अनपेक्षित थांब्यामुळे अस्वस्थ झालेल्या प्रवाशांनी विमान ताबडतोब दिल्लीला नेण्याची मागणी केली. काही प्रवाशांनी बसमधील जेवणाचे पाकिट घेऊन विमानाच्या शेजारीच डांबरी रनवेवर बैठक मारून जेवायला घेतले.

आणखी वाचा

Mumbai Airport International Passengers: मुंबई विमानतळावरून १२ लाख प्रवाशांची आंतरराष्ट्रीय वारी

महायुतीला सत्ता मिळाली, लाडक्या बहिणींना २१०० रुपये कधीपासून…

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

मुंबईत खरंच माणुसकी आहे! रिक्षाचालकाने हरवलेला फोन परत आणून दिला, नेटकरी म्हणाले, “मुंबईचे लोक खूप प्रामाणिक आहे…”

मुंबई विमानतळावर दीड महिन्यात २१ धमक्या

आकाशात झेपावलेल्या विमानात बॉम्ब ठेवल्याचा फोन अन्…

विस्तारा’च्या विलीनीकरणातून एअर इंडियाच्या सेवेत विस्तार; विमानांचा ताफा ३०० वर, तर साप्ताहिक उड्डाणे ८,५०० वर

हे वाचा >> इंडिगोचे विमान तब्बल १३ तास उशिराने, संतापलेल्या प्रवाशाने थेट पायलटलाच मारला बुक्का! खळबळजनक VIDEO व्हायरल

प्रवाशांच्या या कृतीमुळे विमानतळ अधिकाऱ्यांनी केंद्रीय औद्योगिक सुरक्षा दलाला (CISF) त्याठिकाणी बोलावले. सुरक्षा दलाच्या जवानांनी प्रवाशांना गराडा घालून त्यांना सुरक्षा पुरविली. अखरे सोमवारी पहाटे २.३९ वाजता विमान दिल्लीला रवाना झाले.

या प्रकारानंतर इंडिगोचे प्रवक्त्यांनी म्हटले की, १४ जानेवारी रोजी गोव्याहून दिल्लीला जाणाऱ्या इंडिगोच्या विमान क्र. 6E2195 मधील प्रकार आम्हाला समजला. दिल्लीमध्ये दाट धुके असल्यामुळे विमानाला अचानक मुंबईत उतरविण्यात आले होते. आम्ही प्रवाशांची मनापासून दिलगिरी व्यक्त केली आहे. तसेच यापुढील काळात असे प्रकार होऊ नयेत, यासाठी आवश्यक ती पावले उचलली जातील.

दिल्लीमध्ये दाट धुके असल्यामुळे राजधानीतून मुंबईत येणारी विमाने उशीराने येत आहेत. इंडिगो आणि एअर इंडियाच्या जवळपास सर्व विमानांना विलंब झाल्याचे, लाईव्ह एअर ट्राफिक देखरेख संकेतस्थळावर सांगण्यात आले आहे.

१४ जानेवारी रोजी इंडिगोच्या दिल्लीतून गोव्यात जाणाऱ्या 6E 2175 या विमानाला उड्डाण घेण्यास उशीर झाल्यानंतर संतापलेल्या प्रवाशाने थेट वैमानिकालाच मारहाण केली. विमान उड्डाणाला १३ तास उशीर झाल्याने सर्व प्रवासी संतापले होते. त्यातील एका प्रवाशाने चक्क वैमानिकावर हात उगारला. या घटनेचा व्हिडीओ प्रचंड व्हायरल झाला असून इंडिगो विमानाविरोधातील तक्रारीतही वाढ झाली आहे. दरम्यान, वैमानिकावर हात उगारणाऱ्या प्रवाशाविरोधात तक्रार दाखल करून अटक करण्यात आले होते. त्यानंतर जामिनावर त्याची मुक्तता झाली.

सोशल मीडियावर व्हायरल होत असलेल्या व्हिडीओमध्ये इंडिगो विमानातील कॅप्टन फ्लाईट १३ तास उशिरा असल्याची माहिती देत होता. त्याचदरम्यान, तिथे असलेल्या एका प्रवाशाने पायलटला ठोसा मारला. सोशल मीडियावर हा व्हिडीओ मोठ्या प्रमाणावर व्हायरल झाला आहे.