तब्बल ७८ दिवसांनंतर पदव्युत्तर विधिच्या द्वितीय सत्र परीक्षेचा निकाल जाहीर, २४.२४ टक्के विद्यार्थी उत्तीर्ण

मुंबई : कोणत्याही परीक्षेचा निकाल ४५ दिवसांत जाहीर होणे अपेक्षित असताना मुंबई विद्यापीठाने तब्बल ७८ दिवसांनंतर उन्हाळी सत्राअंतर्गत पदव्युत्तर विधि शाखेच्या द्वितीय सत्र परीक्षेचा निकाल शनिवारी जाहीर केला. या परीक्षेत एकूण २४.२४ टक्के विद्यार्थी उत्तीर्ण झाले आहेत.

आणखी वाचा

टीईटी परीक्षेत एआय तंत्रज्ञान वापरल्याचा परिणाम काय? किती उमेदवारांनी दिली परीक्षा?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

पूर्वपरीक्षेपूर्वी दहावीतील विद्यार्थिनीची आत्महत्या

MPSC मंत्र: राज्यसेवा मुख्य परीक्षा; विज्ञान व तंत्रज्ञान

ठाणे जिल्ह्यातील ५७८ मुले आली शिक्षणाच्या प्रवाहात

निवडणुकीच्या प्रशिक्षणाला नकार दिल्याने मुख्याध्यापिकेविरुद्ध थेट गुन्हा; वाचा कुठे घडला हा प्रकार?

UPSC ची तयारी: UPSC मुख्य परीक्षा २०२४; प्रश्नाचे अवलोकन

MPSC मंत्र: राज्य सेवा मुख्य परीक्षा; विज्ञान व तंत्रज्ञान घटक

मुंबई विद्यापीठातर्फे शैक्षणिक वर्ष २०२२-२३ उन्हाळी सत्राअंतर्गत पदव्युत्तर विधि शाखेची (दोन वर्षीय अभ्यासक्रम) द्वितीय सत्र परीक्षा २९ नोव्हेंबर ते ७ डिसेंबर २०२३ या कालावधीत घेण्यात आली होती. या परीक्षेसाठी एकूण २ हजार ८२८ विद्यार्थ्यांनी नोंदणी केली होती. त्यापैकी २ हजार ५२ विद्यार्थ्यांनी परीक्षा दिली आणि ४२८ विद्यार्थी उत्तीर्ण झाले. तर ७७६ विद्यार्थी परीक्षेला अनुपस्थित होते आणि १ हजार ३३८ विद्यार्थी अनुत्तीर्ण झाले आहेत. विद्यार्थ्यांना विद्यापीठाच्या http://www.mumresults.in/ या अधिकृत संकेतस्थळावर निकाल पाहता येईल.

आणखी वाचा-मुंबई : आंगणेवाडी यात्रेसाठी विशेष रेल्वेगाड्या

निकाल विलंबामुळे शैक्षणिक वर्ष विस्कळीत होऊन भविष्यात उच्च शिक्षण व नोकरीच्या संधींना मुकावे लागण्याची भीती विद्यार्थ्यांमध्ये निर्माण झाली होती. अखेर शनिवारी निकाल जाहीर झाल्यानंतर विद्यार्थ्यांना दिलासा मिळाला.