कार आणि ऑटो रिक्षानंतर उबर आता ‘स्पीड बोट’मध्येही आपलं नशीब अजमावणार आहे. मुंबईकरंना आता एका क्लीकवर ‘स्पीड बोट’ (Speed Boat) या वाहतुकीच्या नव्या पर्यायाचा आनंद घेता येणार आहे. प्रसारमाध्यमांच्या वृत्तानुसार, गेट वे ऑफ इंडिया ते मांडवा अशी उबरची स्पीडबोट चालणार आहे. याबबात अद्याप उबर कडून कोणतीच थेट घोषणा करण्यात आलेली नाही. मात्र लवकरच मुंबईकरांना एक नवा वाहतुकीचा पर्याय मिळणार असल्याचं उबरकडून सांगण्यात आलं आहे.
सहा जणांसाठी बुकिंगची सोय उबर अ‍ॅपच्या माध्यमातून उबर बोटसाठी उपलब्ध असण्याची शक्यता आहे. गरजेनुसार तुम्हांला संपूर्ण स्पीडबोटदेखील बुक करता येणार आहे. सुरूवातीला गेटवे ऑफ इंडिया ते मांडवा असा प्रवास करण्याची सोय देण्यात येईल. पुढे भविष्यात ही सोय अलिबागपर्यंत आणि नवी मुंबई ते दक्षिण मुंबई अशीदेखील केली जाईल असे सांगण्यात आले आहे.
