पुन्हा सर्वोच्च न्यायालयात दाद, ‘पीओपी’ गणेशमूर्ती विसर्जनाच्या वादावर मंत्रिमंडळात चर्चा

प्रदूषण टाळण्यासाठी पीओपी गणेशमूर्तींचे विसर्जन करू न देण्याची भूमिका महापालिका प्रशासनाने माघी गणेशोत्सवात घेतल्याने वाद निर्माण झाला आहे. हा मुद्दा मंगळवारी मुख्यमंत्र्यांपुढे उपस्थित करण्यात आला. मशिदीवरील भोंगे काढण्याच्या आदेशाची पोलीस व अधिकारी अंमलबजावणी करीत नाहीत. मात्र मूर्तींवरील बंदीची काटेकोर अंमलबजावणी केली जात असल्याचे मंत्र्यांचे म्हणणे आहे. या पार्श्वभूमीवर भाद्रपद महिन्यातील गणेशोत्सवात निर्माण होणारा संभाव्य पेच लक्षात घेऊन सर्वोच्च न्यायालयाचे दरवाजे तातडीने पुन्हा ठोठावण्याचा निर्णय घेण्यात आला आहे.