मुंबई : भाडे नाकारणाऱ्या रिक्षा चालकांविरोधात आंदोलन

मुंबई: रिक्षा चालकांच्या मनमानी विरोधात रविवारी मुलुंड येथे राष्ट्रवादी काँग्रेस पक्षाच्या कार्यकर्त्यांनी अनोख्या पद्धतीने आंदोलन केले. भाडे नाकारणाऱ्या रिक्षा चालकांना महिला कार्यकर्त्यांनी फुलांचा हार घालून त्यांना समज दिली. तसेच यापुढेही मनमानी सुरू राहिल्यास वाहतूक पोलिसांना देखील हार घालण्यात येतील असा इशारा यावेळी देण्यात आला आहे.

आणखी वाचा

पुणे: बांधकाम बंद ठेवण्याच्या नोटिशींचा ‘फार्स’ ?

वाल्मिक कराड ज्या गाडीतून शरण आला त्या गाडीच्या…

अमरावती : आजी-माजी आमदारांमध्ये जुंपली… ‘हे’ आहे कारण

कल्याणच्या विशाल गवळीकडे मनोरुग्ण असल्याचे दाखले;  याच आधारावर यापूर्वी जामीन मिळविल्याची माहिती

पुण्यातील ‘इतके’ स्पीड ब्रेकर काढणार ? कारण काय

मुंबई पुणे द्रुतगती महामार्गावर खंडाळा घाटात प्रचंड वाहतूक कोंडी; दहा ते बारा किलोमीटर अंतरापर्यंत वाहनांच्या रांगा

हयगय न करता करचोरी, गळती रोखा; उपमुख्यमंत्री अजित पवार यांचे वरिष्ठ अधिकाऱ्यांना निर्देश

रायगडच्या पालकमंत्री पदावरून महायुतीत संघर्ष

मुलुंडच्या डी मार्ट परिसरात गेल्या अनेक महिन्यांपासून जवळचे भाडे नाकारणे, प्रवाशांसोबत गैरवर्तन आणि मीटरप्रमाणे भाडे न घेता अवाजवी भाडे प्रवाशांकडून आकारणे असे प्रकार सर्रासपणे सुरू आहेत. डी मार्ट पासून काही अंतरावरच वाहतूक पोलिसांची बीट चौकी आहे. मात्र प्रवाशांच्या तक्रारीनंतर देखील वाहतूक पोलीस रिक्षा चालकांवर काहीही कारवाई करत नसल्याचा आरोप प्रवाशांकडून करण्यात येत आहे.

आणखी वाचा-मुंबईतील मॅकडोनाल्डसह ३० फास्टफूड दुकानांना नोटीस

काही प्रवाशांनी राष्ट्रवादी काँग्रेस पक्षाच्या (अजित पवार गट) महिला कार्यकर्त्यांकडे याबाबत तक्रार केली होती. त्यानुसार रविवारी या महिला कार्यकर्त्यांनी डी मार्ट बाहेर असलेल्या रिक्षा चालकांना गाठून त्यांना फुलांचा हार घालून आंदोलन केले. तसेच वाहतूक पोलिसांनी देखील याबाबत लक्ष घालून आशा मुजोर रिक्षा चालकांवर तत्काळ कारवाई करावी अशी मागणी यावेळी महिलांनी केली आहे.