लोकसत्ता प्रतिनिधी
मुंबई : घाटकोपर परिसरातील काही गुजराती पाट्यांची दोन दिवसांपूर्वी मनसे आणि उद्धव ठाकरे गटाच्या कार्यकर्त्यानी तोडफोड केली होती. याबाबत मंगळवारी भाजपचे काही नेते आणि गुजराती बांधवांनी घाटकोपर परिसरात आंदोलन करीत मनसे आणि शिवसेनेचा निषेध केला.
काही वर्षांपूर्वी एका माजी नगरसेवकाने घाटकोपर रेल्वे स्थानक परिसरातील एका उद्यानाजवळ ‘मारो घाटकोपर’ असा फलक लावला होता. मात्र दोन दिवसांपूर्वी शिवसेना उद्धव ठाकरे गटाच्या कार्यकर्त्यानी या फलकांची तोडफोड केली आणि तेथे मराठी फलक लावले. मनसेच्या कार्यकर्त्यांनीही सोमवारी रात्री परिसरातील काही गुजराती फलकांची तोडफोड केली.
आणखी वाचा-मुंबईः कुलगुरूंच्या नावामुळे महिलेचे बिंग फुटले; खोट्या प्रमाणपत्राच्या आधारे महिला लंडनला जात होती
या घटनेनंतर घाटकोपर परिसरात तणावाचे वातावरण निर्माण झाले होते. घाटकोपरमधील भाजप नेते आणि गुजराती नागरिकांनी मंगळवारी आंदोलन करीत शिवसेना आणि मनसेचा निषेध केला. तसेच महानगरपालिकेने तत्काळ हे फलक पुन्हा लावावेत, अशी मागणी यावेळी करण्यात आली.
