हार्बरवरील वातानुकूलित लोकल बंद; १४ मेपासून मध्य रेल्वेच्या मुख्य मार्गावर आणखी १२ वातानुकूलित फेऱ्यांची भर

मध्य रेल्वेच्या सीएसएमटी ते कल्याण मुख्य मार्गावर १७ डिसेंबर २०२० पासून आणि जानेवारी २०२१ पासून ठाणे ते वाशी, पनवेल ट्रान्स हार्बर मार्गावरही वातानुकूलित लोकल धावली. पाठोपाठ सीएसएमटी ते पनवेल, गोरेगावही सेवेत आली. अल्प प्रतिसादामुळे ट्रान्स हार्बवरील वातानुकूलित लोकल सेवा नुकतीच बंद करण्यात आली होती, तर हार्बरवरील सेवेलाही प्रवाशांकडून प्रतिसाद मिळत नसल्याने त्याचा आढावा मध्य रेल्वेकडून घेतला जात होता.  ५ मेपासून तिकीट दरात ५० टक्के कपात केल्यानंतर मध्य रेल्वेच्या सीएसएमटी ते कल्याण, बदलापूर, अंबरनाथ, टिटवाळासाठी प्रतिसाद वाढू लागला. परंतु हार्बरवरील वातानुकूलित लोकल गाडीला प्रवाशांची प्रतिक्षाच होती. अखेर हार्बरवरील सेवा बंद करण्याचा निर्णय घेण्यात आला. मध्य रेल्वेच्या मुख्य मार्गावर १२ वातानुकूलित लोकल फेऱ्यांची भर पडल्याने या मार्गावरील वातानुकूलित फेऱ्यांची संख्या ४४ वरून ५६ वर पोहोचली आहे.

वातानुकूलित लोकल रविवारीही धावणार

मध्य रेल्वेच्या मुख्य मार्गावर वातानुकूलित लोकल गाडीला वाढलेल्या प्रतिसादामुळे रविवारी तसेच सरकारी सार्वजनिक सुटटय़ांच्या दिवशीही वातानुकूलित लोकल चालवण्याचा निर्णय घेतला आहे. या दिवसात १४ फेऱ्या होतील.

•   कुर्ला ते सीएसएमटी प. ४.४६ वा, स.९.५६ वा.

•   कल्याण ते सीएसएमटी स. ७.५६ वा.

•   डोंबिवली ते सीएसएमटी प. ४.५५ वा. आणि दु. ३.२४ वा

•   कल्याण ते दादर स. ११.२२ वा.

•   कल्याण ते सीएसएमटी स. ६.३२ आणि स. ८.५४ वा. 

•   बदलापूर ते सीएसएमटी दु. १.४८ वा. 

•   सीएसएमटी ते कल्याण प. ५.२० वा. स.७.४३, स. १०.०४ आणि संध्या ६.३६ वा.

•   दादर ते बदलापूर दु १२.३० वा.