अजित पवार यांचा सीएसएमटी ते डोंबिवली लोकलने प्रवास

डोंबिवलीत एका कार्यक्रमाला पोहोचण्यासाठी अजित पवार राष्ट्रवादी काँग्रेसच्या कार्यालयातून निघाले होते. पण वाहतूक कोंडीमुळे वेळेत कार्यक्रमाला पोहोचू शकत नाही हे लक्षात आल्यावर त्यांनी लोकलने प्रवास करण्याचा निर्णय घेतला. विशेष म्हणजे सीएसएमटीवरून प्रवास करत असल्याने अजित पवारांना विंडो सीटच मिळाली.

यावेळी अजित पवार यांच्यासोबत जयंत पाटील, शशिकांत शिंदे आणि जितेंद्र आव्हाडदेखील होते. अजित पवार यांनी सीएसएमटीवरून कसारा जलद लोकलने डोंबिवली प्रवास केला. यावेळी इतर प्रवाशांनी त्यांचे फोटो आणि व्हिडीओ काढले.