“हा बंगला बघून ED ला काहीच वाटत नाही का?” अंजली दमानियांचा सवाल, राणेंच्या अनधिकृत बांधकामाचा केला उल्लेख!

नेमकं झालं काय?

नारायण राणेंनी त्यांच्या जुहूमधील ‘अधीश’ या बंगल्यात काही अंतर्गत बदल केले. या बांधकामासाठी त्यांनी सीआरझेड आणि पालिकेच्या नियमांना केराची टोपली दाखवल्याचा आरोप त्यांच्यावर करण्यात आला होता. ही तक्रार पालिकेकडे दाखल झाल्यानंतर २१ फेब्रुवारी रोजी पालिकेच्या अधिकाऱ्यांनी बंगल्याची पाहणी केली असता हे अनधिकृत बांधकाम झाल्याचं त्यांच्या लक्षात आलं. पालिकेनं जाब विचारल्यानंतर नारायण राणेंनी उच्च न्यायालयातही धाव घेतली होती. मात्र, न्यायालयाने राणेंची याचिका फेटाळली.

आणखी वाचा

पिंपरी- चिंचवड: राहतं घर डोळ्यासमोर पाडलं; तरुण ढसाढसा रडला, महानगर पालिकेकडून अतिक्रमण कारवाई सुरू आहे

Delhi Assembly Election: पराभव ‘आप’चा, धक्का उद्धव ठाकरे…

खंडणी प्रकरणातील मुख्य आरोपी मोकाट; पुनर्वसन प्रकल्प बंद पाडण्याचे षडयंत्र, रहिवाशांचा आरोप

कारागृहातून सुटल्यानंतर गोंधळ; साताऱ्यात नऊ जणांवर गुन्हा

सीबीडी येथे डंपरने दिलेल्या धडकेत सहावीचा चिमुरडा ठार, चालक फरार

टीटीईने व्हिडीओ काढणाऱ्या प्रवाशाला सांगितला भलताच कायदा; “सात वर्षांचा तुरुंगवास अन्….”, पाहा संतापजनक VIDEO

“वर्षा बंगला पाडून नवा बंगला बांधण्याचा घाट”, संजय राऊतांचा दावा; म्हणाले, “फडणवीसांना नेमकी कशाची भिती?”

बुलढाणा : संतनगरी शेगावात दोन क्विंटल गांजा जप्त, एक आरोपी जेरबंद

राज्यात सत्तांतर झाल्यानंतर राणेंनी बांधकाम नियमित करण्यासाठी पुन्हा उच्च न्यायालयात धाव घेतली. मात्र, न्यायालयाने राणेंची याचिका फेटाळली. तसेच, बांधकाम अनधिकृत करण्याबाबतचा राणेंचा अर्जही रद्द ठरवत राणेंना १० लाख रुपयांचा दंडही ठोठावला. या पार्श्वभूमीवर हा राणेंसाठी मोठा धक्का मानला जात असताना त्यावरून अंजली दमानिया यांनी खोचक ट्वीट केलं आहे.

Narayan Rane: मोठी बातमी! नारायण राणेंच्या ‘अधीश’ बंगल्यातील बेकायदा बांधकामावर अखेर हातोडा

“हा कष्टाचा पैसा आहे का?”

“अधीश बंगल्याच्या अनधिकृत बांधकामावर कारवाई. कोर्टानं ‘नाक कापलं’! कुणाचंही घर तोडताना बघवत नाही. पण स्वत:च्या हातानेच हे सगळं त्यांना करावं लागतंय. पैशाच्या व सत्तेच्या बळावर वाट्टेल ती दादागिरी चालू होती. हा बंगला बघून ED ला काहीच वाटत नाही का? हा अफाट पैसा दिसत नाही का? हा कष्टाचा पैसा आहे का?” असा सवाल अंजली दमानिया यांनी उपस्थित केला आहे.

दरम्यान, या ट्वीटसोबत अंजली दमानिया यांनी नारायण राणेंच्या बंगल्याचा फोटोही ट्वीट केला आहे. या ट्वीटमधून नारायण राणेंवरही ईडीनं कारवाई करावी, असंच दमानिया यांनी सूचित केलं असून त्यावर आता नारायण राणे आणि राणे कुटुंबियांकडून कोणती भूमिका घेतली जाते, हा आता चर्चेचा विषय ठरला आहे.