मुंबईकरांसाठी खुशखबर ; येत्या डिसेंबरपर्यंत आणखी ८०० वातानुकूलित बस मुंबईत दाखल होणार

हेही वाचा >>> कागदपत्रांअभावी  शवविच्छेदन रखडले ; नंदुरबार बलात्कार-हत्याप्रकरणी दिरंगाई सुरूच

बेस्ट उपक्रमाने खर्च कमी करण्यासाठी स्वमालकीऐवजी भाडेतत्त्वावरच बस घेण्याचा निर्णय घेतला आहे. सध्या बेस्ट उपक्रमाकडे डिझेल, सीएनजी, विजेवर धावणाऱ्या बसबरोबरच हायब्रीड बसही आहेत. बेस्टच्या ताफ्यात एकूण तीन हजार ६७२ बस असून यापैकी एक हजार ८३६ बेस्टच्या मालकीच्या आणि उर्वरित भाडेतत्त्वावरील आहेत. येत्या काही वर्षांत बेस्ट उपक्रमाने आपल्या ताफ्यातील बसगाड्यांची संख्या दहा हजारपर्यंत वाढविण्याचा निर्णय घेतला आहे. उपक्रमाने डिसेंबर २०२२ पर्यंत ८०० वातानुकूलित बस ताफ्यात समाविष्ट करण्याचा निर्णय घेतला आहे. यापैकी २०० आरामदायी अशा प्रीमियम बस असून या बसगाड्यांमधील आसन ॲपद्वारे आरक्षित करण्याची सुविधा आहे. त्याचबरोबर १०० दुमजली बस आणि उर्वरित १२ मीटर लांबीच्या एकमजली वातानुकूलित बसड्यांचाही त्यात समावेश आहे. या सर्व बस वीजेवर धावणाऱ्या आहेत.

येत्या डिसेंबरपर्यंत ८०० वातानुकूलित बस ताफ्यात दाखल करण्याचे उद्दिष्ट असून यामध्ये दुमजली, एकमजली आणि प्रीमियम बसचा समावेश आहे. – लोकेश चंद्र, महाव्यवस्थापक, बेस्ट उपक्रम

हेही वाचा >>> शेतकरी कर्ज वाटपात बनवाबनवी ; ३ टक्के लाभासाठी जुने कर्ज न फेडताच नवीन कर्जाचे वाटप

दुमजली वातानुकूलित बस ऑक्टोबरमध्ये
बेस्टच्या वातानुकूलित दुमजली बसची सध्या पुण्यात चाचणी सुरू आहे. चाचणी पूर्ण होताच दुमजली बस प्रत्यक्षात सेवेत येण्यासाठी सप्टेंबरऐवजी ऑक्टोबर २०२२ उजाडणार आहे. ऑक्टोबरपासून तीन दुमजली बस प्रवाशांच्या सेवेत येतील.

स्वमालकीच्या बसला विराम
बेस्ट उपक्रमाने खर्च कमी करण्यासाठी स्वमालकीऐवजी भाडेतत्त्वावरच बस घेण्याचा निर्णय घेतला आहे. एकूण बसताफा सात हजार झाल्यानंतरच स्वमालकीच्या बस घेण्यात येतील, अशी माहिती लोकेश चंद्र यांनी दिली. सध्या बेस्ट उपक्रमाकडे मालकीच्या १ हजार ८३६ बसगाड्या आहेत.