मुंबईःअश्लील चित्रफीत दाखवून अल्पवयीन मुलावर अत्याचार करणारा अटकेत

शेजारी राहणाऱ्या अल्पवयीन मुलांना खेळण्याच्या बहाण्याने घरात बोलवून त्यांच्या लैंगिक अत्याचार करणाऱ्या ४४ वर्षीय व्यक्तीला ॲन्टॉप हिल पोलिसांनी सोमवारी अटक केली. आरोपीने एका लहान मुलासह आणखी चार मुलींसोबत अश्लील प्रकार केल्याचा संशय आहे. मुलांना अश्लील चित्रफीत दाखवून त्यांच्यावर अत्याचार केल्याचा आरोप आरोपीवर असून याप्रकरणी आरोपीविरोधात माहिती तंत्रज्ञान गैरवापर प्रतिबंधक कायद्याअंतर्गतही गुन्हा दाखल करण्यात आल्याचे पोलीस अधिकाऱ्याने सांगितले.