जुने वितुष्ट संपवून आशिष शेलार यांचे सलमान खानशी जुळले मैत्रीचे सूर, उत्तर मध्य मतदारसंघ बांधणीस सुरुवात

उत्तर मध्य मतदारसंघातून भाजपने पूनम महाजन यांना उमेदवारी दिली नसून शेलार यांना उमेदवारीचा आग्रह वरिष्ठ नेत्यांनी केला आहे. शेलार यांना महाराष्ट्रातील राजकारणातच रस असला तरी त्यांना वरिष्ठ नेत्यांच्या आग्रहामुळे अन्य पर्याय नसल्याची जाणीव आहे. त्यामुळे त्यांनी निवडणूक तयारीस सुरुवात केली असून रविवारी वांद्रे (प.) विधानसभा मतदारसंघातील महायुतीच्या कार्यकर्त्यांचा समन्वय मेळावा रविवारी घेतला.

आणखी वाचा

नाराज एकनाथ शिंदेंची भाजपकडून मनधरणी, फडणवीस – शहा चर्चेनंतर मंत्रिमंडळ विस्ताराच्या हालचालींना वेग

कल्याण मारहाण प्रकरण: “तो म्हणाला मुख्यमंत्री कार्यालयातून एक…

काहीही करा पण मंत्रीपदी सत्तार नको, भाजप कार्यकर्त्यांचे साकडे

धनखड सरकारचे प्रवक्ते! मल्लिकार्जुन खरगेंचा हल्लाबोल; हा जाट समुदायाचा अपमान भाजपचे प्रत्युत्तर

पैशाच्या जोरावर लोकशाही विकत घेण्याचा प्रयत्न म्हणजेच ‘ऑपरेशन लोटस’,पटोलेंचा घणाघात

विधानसभा निवडणुकीनंतर भाजपची महापालिकेची तयारी, महाविकास आघाडीची पराभूत मानसिकता मात्र कायम

सतीश वाघ हत्या प्रकरण : आरोपींच्या शोधासाठी पुणे पोलिसांची १६ पथके रवाना

मॅरेथॉन घेण्याची ताकद आहे का? राजकारण करणार्‍या भाजपला हितेंद्र ठाकूरांचा सवाल

हेही वाच –  ममतादीदींच्या भाच्यासमोर कोणाचं आव्हान? डायमंड हार्बर कोण जिंकणार?

सलमान खान यांच्याबरोबर शेलार यांचे वितुष्ट होते. काँग्रेसचे माजी आमदार व सध्या राष्ट्रवादी काँग्रेस अजित पवार गटाबरोबर असलेले बाबा सिद्दीकी यांचे सलमान खानशी चांगले संबंध आहेत. सलमानने २००९ मध्ये झालेल्या विधानसभा निवडणुकीत शेलार यांच्या विरोधात सिद्दीकी यांचा प्रचार केला होता. बाबा सिद्दीकी यांनी शेलार यांचा सुमारे १७०० हून अधिक मतांनी पराभव केला होता. तेव्हापासून शेलार यांचे सलमानशी संबंध ताणलेलेच होते. सिद्दीकी यांनी अजित पवार यांच्या राष्ट्रवादी काँग्रेसमध्ये नुकताच प्रवेश केला आहे. गेल्या काही दिवसांत सलमान व शेलार यांच्यात संवाद सुरू झाला होता. शेलार यांनी त्याला वाढदिवसाच्या शुभेच्छा दिल्या आणि रविवारी त्याच्या निवासस्थानी जाऊन भोजनही केले.

हेही वाचा – ‘कोणतंही हुकूमशाही सरकार फार काळ टिकू शकलं नाही, त्यामुळे भाजपाच्याही नशिबात तेच आहे’; कम्युनिस्टांचा दावा

उत्तर मध्य मतदारसंघात मुस्लिम व ख्रिश्चन मतदारांची संख्या सहा लाखांहून अधिक आहे आणि सेलिब्रिटींची संख्याही मोठी आहे. शेलार यांचे सलमानशी मैत्रीचे सूर जुळल्याने तो शेलार यांच्यासह महायुतीच्या उमेदवारांच्या प्रचारातही मदत करण्याची शक्यता आहे. प्रसिद्ध अभिनेता गोविंदा यानेही शिवसेना शिंदे गटात प्रवेश करून महायुतीच्या उमेदवारांच्या प्रचारास सुरुवात केली आहे. शेलार यांनी मतदारसंघातील कार्यकर्त्यांशी संपर्क वाढवून निवडणूक प्रचाराची आखणी सुरू केली आहे. गुढीपाडव्यानिमित्त मतदारसंघात अनेक कार्यक्रमांचे आयोजन केले असून हिंदुत्वाची गुढी उभारण्याचे आवाहन त्यांनी जनतेला केले आहे.