चित्रीकरण परवानगीसाठी एक खिडकी योजना; आशीष शेलार यांचे निर्देश

मुंबई : राज्यभरात चित्रपट चित्रीकरण परवानगी देण्यासाठी ‘एक खिडकी’ योजना सुरू करण्याचे निर्देश सांस्कृतिक कार्यमंत्री अॅड. आशीष शेलार यांनी गुरुवारी दिले. राज्यात जास्तीत जास्त चित्रपटांची निर्मिती व्हावी, या क्षेत्राला चालना मिळावी आणि त्यातून रोजगार उपलब्ध व्हावा, यासाठी ही एक खिडकी योजना राबवून चित्रीकरण परवानग्या देण्याची प्रक्रिया सुलभ व्हावी, असे शेलार यांनी नमूद केले. शेलार यांनी पदभार स्वीकारल्यानंतर खात्याची आढावा बैठक घेतली. सांस्कृतिक कार्य विभाग राज्यात मोठ्या प्रमाणात रोजगार निर्मिती करण्याबरोबरच समाज प्रबोधनाचे कार्य करतो. या बैठकीस सांस्कृतिक विभागाचे अधिकारी उपस्थित होते.