बाबा सिद्दिकी हत्या प्रकरण : लॉरेन्स बिष्णोईचा भाऊ अनमोल आरोपींच्या संपर्कात, मोक्का अंतर्गत गुन्हा दाखल होण्याची शक्यता

मुंबई पोलिसांच्या गुन्हे शाखेने ३२ वर्षीय सुजीत सिंह याला अटक केली आहे. त्याने परदेशातील गुंडासोबत संपर्क साधला होता. सिंह विविध समाज माध्यमातून अनेक खात्यांवर संवाद साधत होता. तो परदेशातील गुंड अनमोल बिष्णोई असल्याचा संशय आहे. सुजीत सिंह मुंबईतील रहिवासी आहे आणि बाबा सिद्दिकीच्या हत्या प्रकरणात त्याचा शोध सुरू होता. पंजाब पोलीस व मुंबई पोलिसांनी केलेल्या संयुक्त कारवाईत सिंहला लुधियानातून पकडण्यात आले होते. सिंह बाबा सिद्दिकीला मारण्याच्या कटात सहभागी होता. तो पूर्वी घाटकोपरच्या छेडा नगर परिसरात राहात होता आणि त्याला लुधियानामध्ये अटक करण्यात आली.

नक्की वाचा

सरकारी जाहिरातींसाठी सार्वजनिक निधीची उधळपट्टी, दुरुपयोग रोखण्यासाठी समिती स्थापन करा, उच्च न्यायालयाचे राज्य सरकारला आदेश

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Bandra Terminus : मोठी बातमी! मुंबईतील वांद्रे रेल्वे स्थानकात चेंगराचेंगरी, ९ प्रवासी जखमी, दोन जणांची प्रकृती गंभीर

मुंबई: दहा वर्षांपूर्वी अल्पवयीन मुलीवर अत्याचार करणाऱ्याला अटक

राज्यपालांनी विधेयके प्रलंबित ठेवणे अयोग्य, सरन्यायाधीश चंद्रचूड यांचे मत; ‘संघ राज्यपद्धती बळकट होण्यासाठी न्यायालयांचे मोठे योगदान’

Bandra Railway Station Stampede : “पाच महिन्यात २८ रेल्वे अपघात, पण रेल्वेमंत्री बुलेट ट्रेनच्या मस्तीत”, वांद्र्यातील घटनेनंतर ठाकरेंची शिवसेना आक्रमक

Bandra Stampede : “स्पेशल ट्रेनला १६ तास उशीर, एक्स्प्रेस फलाटावर येताच…”, पोलिसांनी सांगितला वांद्रे स्थानकातील चेंगराचेंगरीचा घटनाक्रम!

Mumbai Local : वांद्रे स्थानकातील चेंगराचेंगरीनंतर मध्य रेल्वेचा मोठा निर्णय; गर्दी टाळण्याकरता दादर, ठाणे, कल्याणच्या प्रवाशांसाठी महत्त्वाची सूचना!

हेही वाचा – मुंबईच्या किमान तापमानात घट

याप्रकरणी आतापर्यंत पाच पिस्तुल जप्त करण्यात आली आहेत. पोलिसांच्या मते, सिंहला बाबा सिद्दिकीची हत्या करण्याच्या कटाची माहिती होती आणि तो अनमोल बिश्नोईच्या संपर्कात होता. त्याने इतर आरोपींना पैसे पुरवले आणि शस्त्रांचा पुरवठा करण्यात सहभागी होता. गुन्हा घडण्याच्या आधी एक महिना सिंहने मुंबई सोडली होती.

हेही वाचा – मुंबई महापालिकेचे माजी शिक्षणाधिकारी राजू तडवी यांचा शिवसेना ठाकरे गटात प्रवेश, चोपडा विधानसभा मतदारसंघातून उमेदवारी

सिंह बब्बू म्हणून प्रचलित आहे. तसेच तो या प्रकरणातील आरोपी मोहम्मद झिशान अख्तर याच्याशी संपर्क साधत होता. त्यानंतर तो चार ते पाच महिन्यांपूर्वी सप्रे आणि इतर आरोपींशी संपर्कात आला. सिंह विरोधात यापूर्वी एकही गुन्हा दाखल नाही. पोलीस त्याबाबत पडताळणी करीत आहेत. याप्रकरणी सिंहला ४ नोव्हेबरपर्यंत पोलीस कोठडी सुनावली आहे. तसेच हरिशकुमार निषाद याला याप्रकरणी २८ ऑक्टोबरपर्यंत तसेच इतर पाच आरोपींनाही याप्रकरणी ४ नोव्हेंबरपर्यंत पोलीस कोठडी सुनावण्यात आली आहे. दरम्यान याप्रकरणातील आरोपी धर्मराज कश्यप, गुरमेल सिंह व प्रवीण लोणकर यांना याप्रकरणी न्यायालयीन कोठडी सुनावण्यात आली आहे. याप्रकरणी गुन्हे शाखा तपास करीत असून याप्रकरणी मोक्का कायद्याअंतर्गत गुन्हा दाखल करण्याची शक्यता आहे.