Baba Siddique Shot Dead : बाबा सिद्दीकींच्या हत्येनंतर शूटर्सना जीव धोक्यात घालून पकडणारा सिंघम! ‘या’ पोलीस अधिकाऱ्याची कामगिरी

१२ ऑक्टोबरला रात्री ९ वाजता बाबा सिद्दीकींची हत्या

१२ ऑक्टोबरला रात्री ९ च्या सुमारास बाबा सिद्दीकी ( Baba Siddique ) हे त्यांचा मुलगा आणि आमदार झिशान सिद्दीकी यांच्या कार्यालयात चालले होते. त्यावेळी तीन हल्लेखोर आले त्यांनी गोळ्या झाडल्या. ज्यानंतर बाबा सिद्दीकी कोसळले. त्यांना लिलावती रुग्णालयात दाखल करण्यात आलं. मात्र डॉक्टरांनी त्यांना मृत घोषित केलं. बाबा सिद्दकींवर गोळ्या झाडणाऱ्या तिघांपैकी दोघांना पकडणाऱ्या पोलीस अधिकारी राजेंद्र दाभाडे यांचं नाव समोर आलं आहे.

आणखी वाचा

सैफ अली खानवर यशस्वी शस्त्रक्रिया, अतिदक्षता विभागात उपचार सुरू, प्रकृतीत सुधारणा

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

बोरीवली येथे अपघातात खासगी टॅक्सी चालकाचा मृत्यू

एम्समधील शवविच्छेदनाची स्थिती आता एका ‘क्लिक’वर, पोलीस, नातेवाईकांची पायपीट थांबणार

माहीम खाडीतील मृतदेहाप्रकरणी हत्येचा गुन्हा दाखल

प्रसिद्ध संगीतकार-गायक राहुल घोरपडे यांचे निधन

अज्ञात व्यक्तीचा खून करून मृतदेह जमिनीत पुरला, अहिल्यानगर जिल्ह्यातील कर्जत तालुक्यातील घटना

जयपूर-मुंबई एक्स्प्रेसमधील गोळीबार प्रकरण : आरोपी चेतन सिंह मानसिक आजाराने ग्रस्त, अकोला कारागृह प्रशासनाची सत्र न्यायालयात माहिती

राजेंद्र दाभाडे यांनी दोन मारेकऱ्यांना कसं पकडलं?

राजेंद्र दाभाडे यांनी बाबा सिद्दीकींच्या दोन मारेकऱ्यांना पकडलं. राजेंद्र दाभाडे यांच्या धाडसाचं कौतुक होतं आहे. कारण दाभाडे यांनी धावत जाऊन या गोळीबार करणाऱ्या दोघांना पकडलं. निर्मल नगर पोलीस ठाण्यात राजेंद्र दाभाडे एपीआय पदावर कार्यरत आहेत. दसऱ्याचा दिवस होता आणि विसर्जन मिरवणूक निघाली होती त्यामुळे राजेंद्र दाभाडे बंदोबस्त पाहात होते. बाबा सिद्दीकींना गोळ्या लागल्याचं कळताच राजेंद्र दाभाडे हल्लेखोरांना पकडण्यासाठी धावले. आरोपींच्या हातात बंदुका होत्या. पण जिवाची पर्वा न करता राजेंद्र दाभाडे यांनी या दोघांना पकडलं. तसंच आरोपींच्या हातात असलेल्या बंदुकाही हिसकावून घेतल्या. टाइम्स ऑफ इंडियाने हे वृत्त दिलं आहे.

हे पण वाचा- Baba Siddique Shot Dead : बाबा सिद्दीकींच्या हत्येचा कट तुरुंगात रचला! रेकी, ३ शूटर, ६ गोळ्या आणि.. आत्तापर्यंत काय काय घडलं?

राजेंद्र दाभाडे यांनी जिवाची पर्वा न करता दोघांना केली अटक

टाइम्स ऑफ इंडियाच्या वृत्तानुसार सहाय्यक पोलीस निरीक्षक राजेंद्र दाभाडे, उप निरीक्षक शैलेश चौधरी आणि सुदर्शन बांकर, विशाल पालांडे हे सगळे आरोपींना पकडायला धावले. यांच्यासह कॉन्स्टेबल्स संदीप आव्हाड, किरण शेलार, संग्राम आठीग्रे हे सगळे होते. आरोपींनी गोळीबार केला आणि त्यानंतर ते पार्कमध्ये पळाले. पोलीस अधिकारी राजेंद्र दाभाडे यांनी त्यांच्या सहकाऱ्यांसह पार्कमध्ये पळत जात जिवाची बाजी लावून दोन आरोपींना पकडलं. या प्रकरणी डीसीपी दत्ता नलावडे म्हणाले की बाबा सिद्दीकींची हत्या केल्यानंतर मारेकरी जेव्हा पळाले तेव्हा आमच्याच अधिकाऱ्यांनी त्यातल्या दोघांना तातडीने अटक केली. या दोघांकडून दोन पिस्तुलं आम्ही जप्त केली आहेत.